Kuvendi hap të hënën sesionin parlamentar, votohet Rama si ministër
Të
hënën në orën 17: 00 do të hapet zyrtarisht sesioni i IV i Legjislaturës së IX të Kuvendit të Shqipërisë. Njoftimi është bërë në faqen zyrtare të Kuvendit, ku është bërë publik edhe rendi i ditës. Dy nga pikat e rendit janë dekretet e Presidentit Meta për shkarkimin e Ditmir Bushatit si ministër i Jashtëm dhe votimi i dekretit për emërimin e Kryeministrit Edi Rama edhe si ministër të Jashtëm. Pas këtij momenti Kreu i qeverisë duhet të ballafaqohet edhe një herë me presidentit Meta, pasi do duhet të shkojë që të betohet për të marrë zyrtarisht detyrën e re të ministrit të Jashtëm. Kjo do jetë hera e parë që ata ballafaqohen fizikisht me njeritjetrin pas një fushate akuzash e kundërakuzash. Nga ana tjetër, nuk dihet nëse opozita do jetë e pranishme në seancë, pasi bashkë me aleatët morën një vendim dy ditë më parë, duke deklaruar se do të nisë sezonin e protestave deri në rrëzimin e qeverisë. Seanca e së hënës e Kuvendit të Shqipërisë shënon çeljen e sesionit normal parlamentar, pasi të mërkurën e shkuar Kuvendi u mblodh në një seancë jashtë radhe në sesion parlamentar të jashtëzakonshëm.