Akuzohen se po i japin territore Serbisë, Rama takon Thaçin

Në

kulmin e akuzave se së bashku po planifikojnë shitjen e territoreve të Kosovës Serbisë, kryeministri Edi Rama dhe presidenti kosovar Hashim Thaçi kanë patur dje një takim informal. Lajmi u konfirmua nga vetë shefi i qeverisë, i cili shpërndau dje një foto nga ky takim në "Instagram". Të dy politikanët janë shfaqur duke konsumuar kafe në një bar, ndërsa në foto duket qartë kujdesi dhe përqendrimi që tregon kryeministri Rama ndaj presidentit Thaçi. Nuk dihen detaje se çfarë është diskutuar mes tyre, por takimi është zhvilluar gjatë një vizite që Thaçi ka bërë në Shqipëri. Rama në Shqipëri dhe Thaçi në Kosovë janë akuzuar kohët e fundit se po mbështesin arritjen e marrëveshjes së shkëmbimit të territoreve mes Kosovës dhe Serbisë. Madje Rama u akuzua se edhe ministrin e Jashtëm Ditmir Bushati e hoqi pikërisht prej faktit se ky i fundit ishte kundër kësaj marrëveshje.

nuk merr konsensusin e komisionit parlamentar për reformën zgjedhore.

KOMISIONET

Ndërkohë që ndryshimet në qeveri kanë sjellë si pasojë edhe nevojën për disa ndryshime në drejtimin e komisioneve parlamentare. Kjo për vetë faktin se disa nga kryetarët apo nënkryetarët e komisioneve parlamentare

tashmë janë bërë ministra. Ndaj socialistët pritet t'i propozojnë Kuvendit edhe ndryshimet e nevojshme. Kështu mësohet se Eduard Shalsin në krye të Komisionit të Veprimtarisë Prodhuese pritet ta zëvendësojë Niko Peleshi, ndërsa Blerina Gjylahmeti pritet të zëvendësojë Bledi Çuçin në pozicionin e bashkëkryetarit të Komisionit të posaçëm të Reformës Zgjedhore. Ndërkohë që postin tjetër të Bledi Çuçit, si zëvendëskryetar i Komisionit të Integrimit pritet ta marrë Ditmir Bushati ose Ervin Bushati. Ndërsa Elisa Spiropalin te Komisioni i Shëndetësisë pritet ta zëvendësojë Klodiana Spahiu.