PD: Pro marrëveshjes Kosovë- Serbi, por pa copëtim të territoreve
Gjatë
seancës së djeshme në Kuvend, opozita ka sulmuar kryeministrin Edi Rama se po përpiqet të nxisë arritjen e një marrëveshje Kosovë- Serbi në favor të këtyre të fundit dhe në dëm të territoreve shqiptare. Nga foltorja e Kuvendit, Sali Berisha theksoi se kryeministri Rama po kërkon të krijojë Serbinë e madhe, ndërsa bëri të ditur se PD është pro një marrëveshje mes Serbisë dhe Kosovës, por pa prekur territoret. "E mbë- shtesim marrëveshjen Kosovë- Serbi, por pa copëtim të territoreve, pasi hap kutinë e Pandorës, sjell bllokim automatik të procesit të integrimit. Gjatë vizitës së Bushit në Shqipëri, presidenti më thotë cili është mendimi juaj për Kosovën? Unë mbrojta pavarësinë. Me tha kur mendohet se duhet shpallur? Këta menduan se unë do të thosha sot, jo! Unë i them, merrni kohën tuaj se ne nuk duhet të bëhemi mollë sherri mes jush dhe BE- së, dihet se kë kemi mik ne, dhe kush është destinacioni ynë. Dhe jo sikur bën ky me argatët e Beogradit", - tha Berisha.