Basha: Paratë e shqiptarëve, në duart e pesë oligarkëve
"Punësimi, prioriteti kryesor i PD- së"
Kryetari i opozitës, Lulzim Basha, zhvil loi dje një sërë takimesh me bizneset dhe me qytetarët në Tiranë, të cilët i ftoi të marrin pjesë në protestën e 16 shkurtit. Teksa përshkoi në këmbë të gjithë Rrugën e Kavajës, kryedemokrati bashkëbisedoi me një sipërmarrës në fushën e "call center", të cilit i premtoi se PD- ja do të ndjekë politika lehtësuese për bizneset. Z. Basha përmendi se punësimi është një ndër prioritetet e partisë së tij dhe këtë do ta aplikojë sapo të marrë pushtetin. Sipas Bashës, do të ketë ulje të taksës së sheshtë, e cila do të bëhet 9%, taksat e sigurimeve shoqërore do të bëhet 9 për qind për punëdhënësin dhe po aq për punëmarrësin. Ndërkohë, që premtim tjetër ishte dhe ulja e çmimit të karburantit. "Do të keni taksë të sheshtë 9%, tatimi i fitimit dhe taksa e kontriburit shoqëror që do të jetë 9% punëdhënësi, 9% punëmarrësi. E dyta, është ulja me 300 lekë e çmimit të karburantit që vetëm për rrugë nuk shkon. Do të rivendosim fashën për shpenzimin e energjisë. Për biznesin riprodhues ulet me 30- 40% të çmimin të energjisë, për biznesin e vogël 20% dhe për konsumatorët. Janë tri shtrëngesa shumë të mëdha që po i merr buxheti i shtetit, por që nuk po kthehet në investime. Këto janë gosti për 5 oligarkë. Oferta jonë është kjo: Qeveria ka marrë paratë për oligarkët, ne do ua marrim oligarkëve dhe do ia kthejmë ekonomisë dhe njerëzve. Prioritet është punësimi si politikë e parë dhe objektiv i parë i Partisë Demokratike", - deklaroi z. Basha. Kreu i opozitës sulmoi politikat e qeverisë të aplikuara për bizneset e vogla, ndërsa i ftoi tregtarët që më 16 shkurt të mblidhen në bulevard. Problemi kryesor për Lulzim Bashën mbetet grabitja e parave të shqiptarëve, të cilat sipas tij, janë përqendruar te duart e 5 oligarkëve. Ai tha se këto para që iu vidhen shqiptarëve do t'u kthehen mbrapsht sapo PD- ja të vijë në pushtet. "Jeni në një nga rrugët krye- sor të Tiranës. Kur qaheni ju, imagjinon se çfarë ndodh në vendet e tjera. Taksa do të bëhet 0.5 për qind e xhiros vjetore. Asnjë inspektor tatimor nuk do të këtë të drejtë të hyjë në dyqanin tënd. Me këta taksa ata kanë mbledhur 2 miliardë lekë, por asgjë nuk është kthyer te qytetarët. Lekët nuk janë në xhepin e qytetarëve, sepse janë në xhepat e 45 oligarkëve", theksoi z. Basha. Ai akuzoi se biznesi i vogël shihet nga qeveria si kriminel. "Serbia ka për 32 zanate e ka çuar zero taksën. Ku do e marrë kasën këpucari, 400 euro nuk i mbledh me 500 lekësha. Biznesi i
AKUZA
"Janë tri shtrëngesa shumë të mëdha që po i merr buxheti i shtetit, por që nuk po kthehen në investime. Këto janë gosti për 5 oligarkë. Oferta jonë është kjo: Qeveria ka marrë paratë për oligarkët, ne do ua marrim oligarkëve dhe do ia kthejmë ekonomisë dhe njerëzve. Prioritet është punësimi si politikë e parë dhe objektiv i parë i Partisë Demokratike", tha Basha.
vogël po shkatërron ekonominë. Nuk do kemi më të vetëpunësuar në zanate. Ne, familja Tufina, kemi qenë orëndreqës. Qeveria duhet t'i japë mbështetje biznesit të vogël. Nëse shteti i ul taksat, ai merr edhe dy punëtorë. Ne kemi zanatçinjtë më të mirë", theksoi kreu i PD- së.