Vdekja e 43- vjeçarit, pezullohen nga puna dy mjekë të spitalit të Fierit
FIER - Gjykata e Rrethit Gjyqësor Fier ka pezulluar nga puna dy mjekë të urgjencës së spitalit të këtij qyteti, ndërsa ka vendosur "detyrim paraqitje" për një tjetër. Dy mjekët e pezulluar nga detyra janë: Bledi Dhespollari dhe Emiljano Myrtaj, ndërsa detyrim paraqitje është vendosur për kardiologun Viktor Gjini. Urdhri i pezullimit të mjekëve ka ardhur pas vendimit të Gjykatës Fier dhe denoncimit të familjareve të një 43- vjeçari, i cili ndërroi jetë në dhjetor. Familjarët e Besnik Ramajt akuzuan mjekët për mosdhënie në kohë të ndihmës mjekësore dhe shërbimin e duhur.