Universiteti "Luarasi" zhvillon forumin ekonomik për biznesin shqiptar
Mateo Spaho: Problematikat në kompanitë shqiptare, mungon organizimi e likuiditeti "Studim për birrën ‘ Korça’, performancë e lartë"
Menaxhimi dhe strategjia efikase janë çelësi i suksesit për çdo biznes, pavarësisht problemeve që mund të shfaqin kompanitë në faza të caktuara. Për të prekur nga afër situatën e biznesit në Shqipëri, studentët e Fakultetit Ekonomik në Universitetin "Luarasi" kanë qenë të pranishëm për disa muaj në 10 biznese në vend. Për të finalizuar punën e tyre, studentët të organizuar në disa grupe kanë zhvilluar forumin ekonomik me temë "Biznesi, menaxhimi dhe strategjitë", nën praninë e pedagogëve udhëheqës. Përgjegjësia e Departamentit të Menaxhim- Biznesit në fakultetin ekonomik në këtë universitet, Aelita Mani, tregon se nëpërmjet kësaj praktike, studentët zhvilluar më tej dijet teorike të marra në auditore. "Ne po zhvillojmë forumin ekonomik me temën: "Biznesi, menaxhimi dhe strategjitë" ku studentët, në përmbyllje të njohurive të marra nga semestri i parë deri më tani e shohin veten të aftë dhe në gjendje që të analizojnë biznese konkrete të fushave të ndryshme. E shohin veten në rolin e analistit, në rolin e sugjeruesve, të konkluzioneve, të rekomandimeve dhe të strategjive. Këto janë përvoja shumë të mira, pasi për disa muaj ata kanë qenë pranë kompanive për të parë format e organizimit, biznes planet e tyre, strategjitë, të evidentojnë problematika dhe të jenë dhe në rolin e konsulentëve në këto kompani me propozimet e tyre për të qenë biznese më të mira",- thekson Mani.
STUDIMI
Studentët kanë parë mënyrën e funksionimit të kompanive, projekt- planet, menaxhimin e tyre, si dhe kanë evidentuar problematikat e kanë dhënë sugjerime për përmirësimin e punës së bizneseve shqiptare. "Është hera e dytë që unë marr pjesë në një forum ekonomik, që po zhvillohet nga ' Luarasi'. Kemi mësuar shumë gjëra në forumin e zhvilluar gjatë studimeve të bachelor, por ky forum është më i avancuar, pasi ne i prekim gjërat më nga afër. Çfarë ne po studiojmë në universitet arrijmë ta praktikojmë direkt në biznese. Ne kemi marrë në studim një kompani që operon në industrinë e prodhimit dhe elektro- shtëpiakeve. Ne kemi shkuar çdo ditë në kompani duke parë nga afër shitjet, planifikimin, rekrutimin, marketingun, strategjinë. Kemi evidentuar dhe problematika, si ai i burimeve njerëzore që nuk është i mirë strukturuar dhe nuk funksionon ashtu siç duhet",- thotë studentja Hasije Kotarrja. Sipas studentëve, në disa prej kompanive të marra në studim, mungon një ndarje e qartë mes departamenteve dhe vihet re një mosfunksionim i plotë i burimeve njerëzore. "Duhet të kenë ndarje më të qarta midis departamenteve, detyrat duhet të jenë më të përcaktuara, ro- let më të qarta që gjithsecili të dijë mirë se çfarë duhet të bëjnë brenda kompanisë. Në pjesën e strategjisë, bizneset shqiptare nuk kanë shumë eksperiencë, ata që janë më të përparuar zgjedhin të kenë audit të jashtëm",- thotë një tjetër studente e ' Luarasi'. Një tjetër biznes i shqyrtuar nga studentët e ekonomikut, është edhe kompania e Birrës Korça. Sipas statistikave të studimit, performanca e kësaj kompanie ka qenë e kënaqshme jo vetëm në tregun shqiptar, por edhe më gjerë. "Si pjesë e grupit Hysenbelliu, ne kemi marrë në shqyrtim një nga bizneset e tij, birra "Korça". Mund të themi
STUDIMI
Studentët kanë parë mënyrën e funksionimit të kompanive, projektplanet, menaxhimin e tyre, si dhe kanë evidentuar problematikat e kanë dhënë sugjerime për përmirësimin e punës së bizneseve shqiptare. "Është hera e dytë që unë marr pjesë në një forum ekonomik, që po zhvillohet nga ' Luarasi'. Kemi mësuar shumë gjëra në forumin e zhvilluar gjatë studimeve të bachelor, por ky forum është më i avancuar, pasi ne i prekim gjërat më nga afër.
PROBLEMATIKAT E BIZNESEVE
Dekani i Fakultetit Ekonomik në ' Luarasi', Mateo Spaho, bën me dije se mungesa e likuiditetit për kryerjen e investimeve dhe mungesa e traditës së një organizimi të përbashkët, janë dy nga problemet kryesore në biznesin shqiptar. "Një nga problemet është mungesa e likuiditetit, për kryerjen e investimeve apo kryerjen e aktivitetit të përditshëm. Një tjetër problematikë është ajo e organizimit, jo vetëm për bizneset private, por edhe institucioneve shtetërore. Pra, nuk kemi një traditë organizimi të përbashkët",- thekson Spaho. Studimi tregoi se kompanitë shqiptare janë në gjendje të përballojnë rreziqet dhe të afta mjaftueshëm për të shfrytëzuar mundësitë që ofron tregu.