Lista me 200 pronarët që marrin tapinë për tokën
ALUIZNI, përfituesit e së drejtës së pronësisë mbi parcelat e objekteve të legalizuara Ndërtimet pa leje, certifikata për truallin brenda 5 ditëve
Qeveria miratoi dje kalimin e të drejtën mbi pronësinë për parcelat ndërtimore ku janë ndërtuar objekte pa leje. ALUIZNI publikon listën me 200 pronarë që marrin certifikatën e pronësisë. Përfituesit janë në pesë qarqe, në Tiranë, Durrës, Shkodër, Lezhë dhe Dibër dhe do të marrin certifikatën e pronësisë brenda 5 ditëve. ' Gazeta Shqiptare' publikon listën e plotë me përfituesit në të gjithë vendin.
VENDIMI
Këshilli i Ministrave vendosi dje miratimin e kalimit të së drejtës së pronësisë, në favor të subjekteve përfituese, për 200 parcela ndërtimore të objekteve të legalizuara, që preken prej tyre, sipas shtojcës që i bashkëlidhet këtij vendimi. Në vendim mësohet numri i parcelave ndërtimore për të cilat miratohet kalimi i pronësisë për Qarkun Dibër ( ZVRPP Dibër, Bulqizë, Mat), për 63 parcela ndërtimore, me sipërfaqe të përgjithshme 15 278 m ² . Për Qarkun Lezhë ku përfshihen ZVRPP Lezhë dhe Kurbin, numri i parcelave ndërtimore është 15, me sipërfaqe të përgjithshme 4 781 m ² dhe për Qarkun Shkodër, numri i parcelave ndërtimore është 3, me sipërfaqe të përgjithshme 614 m ² . Përfituesit në Qarkun Tiranë janë 61 parcela ndërtimore, me sipërfaqe të përgjithshme 17 639 m ² dhe për Qarkun Durrës, numri i parcelave ndërtimore është 58, me sipërfaqe të përgjithshme 21 767 m ² . Këshilli i Ministrave vendosi që zyrat vendore të regjistrimit të pasurive të paluajtshme Dibër, Bulqizë, Mat, Lezhë, Kurbin, Shkodër, Tiranë, Durrës, të regjistrojnë, brenda 5 ditëve nga hyrja në fuqi e këtij vendimi, kalimin e së drejtës së pronësisë së parcelave ndërtimore dhe hipotekën ligjore mbi to, në përputhje me përcaktimet e pikave 15 e 16, të vendimit nr. 1095, datë 28.12.2015, të Këshillit të Ministrave, "Për përcak- timin e rregullave të bashkërendimit të punës, ndërmjet ALUIZNI- t dhe ZQRPPsë, si dhe të procedurave apo kufizimeve që zbatohen për efekt të regjistrimit të pasurive të legalizuara". Ndërkohë ngarkohen Ministria e Drejtësisë, Agjencia e Legalizimit, Urbanizimit dhe Integrimit të Zonave/ Ndërtimeve Informale, Zyra Qendrore e Regjistrimit të Pasurive të Paluajtshme dhe zyrat vendore të regjistrimit të pasurive të paluajtshme, të përmendura në pikën 3, për zbatimin e këtij vendimi.
SIPËRFAQET
Ndërkohë që nuk mund të legalizohet më shumë se 3- fishi i bazës së objektit të ndërtuar pa leje. Në rast se një person ka ndërtuar 50m2 do të marrësh 150 metra dhe kjo logjikë do të ndiqet për të gjitha ndërtimet. Objektet tregtare që kanë bërë ndërtime p. sh., 500 metra do të marrin 1500 metra, por do ta paguajnë me çmim tregu. Ndërsa për llogaritjen e vlerës së parcelës është mar-
KALIMI I PRONËSISË
Në vendimin e Këshillit të Ministrave përcaktohet që kalimi i së drejtës së pronësisë mbi parcelën ndërtimore të objektit pa leje bëhet sipas dispozitave të Kodit Civil. Në rastin e ndërtimeve me funksion banimi, si rregull sipërfaqja e parcelës për të cilën miratohet kalimi i së drejtës së pronësisë duhet të jetë deri në masën e trefishit të bazës së ndërtimit, por në çdo rast jo më e madhe se 500 ( pesëqind) m ² . Për ndërtimet pa leje me funksion social- ekonomik zbatohet vetëm kriteri i trefishit të sipërfaqes së bazës së ndërtimit. Kur për shkak të përmasave ose konfiguracionit të parcelës ndërtimore krijohen sipërfaqe të lira, që nuk mund të shfrytëzohen më vete për ndërtim, ato i shiten poseduesit të ndërtimit pa leje sipas vlerës së pronës, të miratuar me vendim të Këshillit të Ministrave.