Gjermania: Ndryshimi i kufijve nuk sjell stabilitet
Roth: Marrëveshja mes Kosovës dhe Serbisë rrit stabilitetin në rajon Vuçiç: Nuk ka dialog me Kosovën pa heqjen e taksës
Ministri gjerman i shtetit, Michael Roth, në intervistën për ' Deutche Welle', u shpreh se Gjermania është kundër korrigjimit të kufirit mes Kosovës e Serbisë. Roth tha se përsiatje të tilla janë të rrezikshme për rajonin. Duke u ndaluar në rolin e Shqipërisë në Ballkan, ministri gjerman theksoi se pret nga vendi ynë të vazhdojë të angazhohet në mënyrë konstruktive për stabilitet në të gjithë rajonin. Opinioni shqiptar aktualisht është disi i shqetësuar në lidhje me përpjekjet diplomatike për zgjidhjen e konfliktin midis Kosovës dhe Serbisë. Ish- ministri i Jashtëm i Shqipërisë, Ditmir Bushati, ka qenë kundër ndryshimit të kufijve në Ballkan. Kryeministri dhe de jure ministri i Jashtëm i Shqipërisë, Edi Rama, i shmanget përgjigjes së kësaj pyetjeje në publik, por shumëkush mendon se ai është pajtuar tashmë me këtë plan. Si e shikoni ju ndihmesën e Shqipërisë për zgjidhjen e çështjes së Kosovës? Integriteti territorial i vendeve të Ballkanit Perëndimor është i rëndësishëm për ne. Përpjekja për zhvendosje kufijsh ka shkaktuar vuajtje të pafundme në të kaluarën. Prandaj, sipas meje, këto përsiatje, jo vetëm që nuk premtojnë shumë sukses, por janë edhe tejet të rrezikshme. Çfarë na nevojitet, është një marrëveshje gjithëpërfshirëse, e cila i rregullon përfundimisht marrëdhëniet, i mundëson Serbisë dhe Kosovës të anëtarësohen në BE dhe i zgjidh me marrëveshje të gjitha çështjet teknike që janë ende të hapura. Nga Shqipëria ne presim që kjo ta përdorë në mënyrë konstruktive ndikimin e saj politik dhe të vazhdojë të angazhohet në mënyrë konstruktive për stabilitet në të gjithë rajonin. Kjo vlen veçanërisht për çështjet që kanë të bëjnë me normalizimin ndërmjet Kosovës dhe Serbisë. Mund të jetë vetëm në interes të Shqipërisë, si pjesë e rajonit, që të parandalojë me çdo kusht një destabilizim të ri të Ballkanit Perëndimor, gjë që detyri- misht do të vijonte nga ndryshimi i kufijve. Gjermania është kundër ndryshimit të kufijve në Ballkan, por SHBA dhe Komisioni i BE- së nuk janë kundër. Aktualisht ekziston një shtytje e madhe nga ana e SHBA- së për të arritur një marrëveshje edhe para zgjedhjeve për Parlamentin e Evropës. Si do të ndikonte kjo marrëveshje në procesin e anëtarësimit të vendeve të Ballkanit në BE? Është e vërtetë se ka qëndrime të ndryshme në lidhje me ndryshimet kufitare. Qëndrimi ynë është se një marrëveshje mes Kosovës dhe Serbisë duhet ta rrisë stabilitetin në të dyja vendet dhe në rajon. Unë nuk shoh se si mund të arrihet
MICHAEL ROTH
"Është e vërtetë se ka qëndrime të ndryshme në lidhje me ndryshimet kufitare. Qëndrimi ynë është se një marrëveshje mes Kosovës dhe Serbisë duhet ta rrisë stabilitetin në të dyja vendet dhe në rajon. Unë nuk shoh se si mund të arrihet kjo me ndryshime kufijsh. Përkundrazi, Ballkani Perëndimor nuk do të binte në qetësi",- ka thënë Roth. kjo me ndryshime kufijsh. Përkundrazi, Ballkani Perëndimor nuk do të binte në qetësi. Nga vendet fqinje dëgjoj vazhdimisht se ata janë të shqetësuar për këtë diskutim, sepse shohin rrezikun e efektit të dominosë. Për proceset e anëtarësimit në BE kjo me siguri që nuk do të ishte aspak e dobishme. Nga ana tjetër, presidenti serb Aleksandar Vuçiç ka zhvilluar një bisedë telefonike me Përfaqësuesen e Lartë të BE- së për Politikë të Jashtme dhe Siguri, Federica Mogerini, me të cilën diskutuan për situatën në Ballkanin Perëndimor, e në veçanti marrëdhëniet midis Serbisë dhe Kosovës. Siç bëhet e ditur nga mediat serbe, që i referohen kumtesës nga kabineti i presidentit serb, Vuçiç ka theksuar se "ndërprerja në dialog mund të tejkalohet vetëm atëherë kur Prishtina të heq taksën ndaj mallrave serbe dhe të ndalojë me provokime, siç është Ligji mbi Statutin e Kombinatit ' Trepça', i cili, nuk është asgjë tjetër veçse gllabërim i pronës serbe", ka thënë Vuçiç. Ai theksoi se një gjendje e tillë është i paqëndrueshme dhe se masat e njëanshme të Prishtinës dëmtojnë paqen dhe stabilitetin në rajon. Presidenti serb i tha shefes së diplomacisë evropiane se Serbia gjithmonë do të jetë e përcaktuar të punojë në interes të bashkëpunimit rajonal. Ai përsëriti gatishmërinë e tij për të vazhduar dialogun me Kosovën në kërkim të një zgjidhjeje të drejtë dhe të qëndrueshme, nëse krijohen kushtet e nevojshme.