RENDITJA E FIFA- s
Shqipëria bie sërish, ngjitet Kosova
Nuk
ka zhvilluar as një takim që pas përfundimit të Ligës së Kombeve, por Shqipëria vijon të humbasë terren në renditjen mujore të publikuar nga FIFA. Arritja historike e Katarit, ku fitoi Kupën e Azisë, ka bërë që Kombëtarja nga gadishulli arabik të fitojë 38 pozicione në renditjen e FIFA- s, një rezultat që ka pasur ndikim në shumë kombëtare të tjera. Me 1372 pikë, Shqipëria pozicionohet në vendin e 61- të duke humbur në këtë mënyrë një tjetër pozicion nga renditja e fundit. Vijon progresin në klasifikimin e FIFA- s Kosova, e cila fiton një tjetër pozicion. Me 1113 pikë dardanët renditen në vendin e 130.