Reali jep Iskon dhe 60 milionë euro për Dibalën
Duket
e ekzagjeruar, por për "Don Balon" është përfun dimtare. Bëhet fjalë për dëshirën e çmendur të Florentino Perezit, që të ndërtojë një Real
Madrid të ri dhe është në kërkim të lojtarit ideal për ta vënë në qendër të projektit të tij. Sipas medias spanjolle, Reali i Madridit ka gati një ofertë të çmendur për Juventusin. 60 milionë euro si dhe kartonin e Iskos për yllin argjentinas të bardhezinjve, Paolo Dibalën. Juventusi është prej kohësh në gjurmët e fantazistit spanjoll, por gjithnjë ka gjetur të mbyllur derën e madrilenevë, të cilët duket se duan ta shfrytëzojnë dëshirën e torinezëve, për të veshur me fanellën e bardhe Paolo Dibalën. Si Isko, ashtu dhe Dibala nuk po kalojnë momente të mira me trajnerët e tyre. Solari e sheh Iskon si një zëvendësues, ndërsa Alegri e ka zhvendosur shumë metra pas Dibalën, me sulmuesin që tashmë luan në mesfushë dhe shumë larg zonës së rreptësisë.