PD: Protestuesit vlonjatë i presin Ramës biletë vetëm vajtje
Vlonjatët
protestuan dje kundër qeverisë dhe kryem inistrit Edi Rama. Protestuesit në Vlorë bllokuan rreth- rrotullimin në Skelë, duke hedhur parulla të shumta kundër qeverisë dhe kryeministrit. Ndërkohë që nuk mungoi edhe një pankartë në formë biletë me "Air Albania" vetëm vajtje, që vlonjatët i kanë prerë Edi Ramës. Po dje opozita e bashkuar organizoi një protestë në Paskuqan.
Banorët e Paskuqanit, një njësi vendore e bashkisë Kamëz, kanë bllokuar rrugën e vetme hyrëse në këtë njësi, në shenjë proteste për situatën e mjerimit që përjeton Paskuqani dhe e gjithë Shqipëria. Qytetarët e mbështetur nga opozita janë bashkuar duke bërë thirrje kundër qeverisë, si shkaktare e varfërisë, rritjes së çmimeve, falimentimit të biznesit dhe veçanërisht largimit të të rinjve nga Shqipëria. Kujtojmë që kjo protestë zhvillohet disa ditë para asaj të 16 shkurtit, ku sipas opozitës do të ketë një pjesëmarrje madhështore.