Ministra Balluku "kapet mat", ja dialogu me deputetin në parlament

Pak

javë pasi mori detyrën e ministres së Trans porteve dhe Energjetikës, Belinda Balluku është bërë padyshim një nga protagonistet kryesore të politikës dhe në mënyrë të veçantë të qeverisjes. Jo vetëm se ka bërë lëvizjet më të mëdha të drejtorëve dhe zëvendësministrave, apo edhe se anuloi projektin e rrugës "Thumanë- Kashar", por së fundi edhe për shkak të një fjalorit që përdor. Këtë herë ajo është kapur "mat" në parlament me një komunikim me SMS me deputetin socialist, Sadi Vorpsi, ku ajo përdor një gjuhë aspak të hijshme jo vetëm për një zyrtare e aq më shumë për një femër. Kamera e "A2 CNN" ka fiksuar bisedën e ministres me deputetin Vorpsi në seancën e së enjtes në parlament, ku Balluku nuk nguron të përdorë një fjalor që të botohet kërkon kodim. Në bisedën e "Whats Up", pasuesja e Damian Gjiknurit duket se nuk ka ndonjë konsideratë të lartë për kryebashkiakun e Vorës, Fiqiri Ismaili me 3 mandate, ndërsa ndalet veçanërisht të Bashkia e Elbasanit, ku thekson se Qazim Sejdini, të cilit ajo i thërret Lala e ka ndarë mendjen që të mos rikandidojë për një mandat të katërt në këtë bashki.