Akuzat, Kryemadhi: Mos bëj rolin e ' Virgjëreshës'. Gjonaj: Sulm vulgar
Kryetarja e LSI: Favorizoi bashkëshortin
Kryetarja e LSI- së, Monika Kryemadhi, nuk i kurseu as dje akuzat ndaj ministres së Drejtësisë, Etilda Gjonaj, që sipas saj po përdor pushtetin për të shpëtuar familjarët e saj nga drejtësia. Këto akuza ministrja e Drejtësisë i ka quajtur shantazhe. Gjonaj reagoi duke thënë se qëllimi i këtij sulmi është goditja e drejtësisë. Ajo inkurajoi prokurorinë të hetojë tërësisht korrupsionin me tenderat nga ish- zyrtarët e Ministrisë së Drejtësisë. "Jam e vendosur të mbështes prokurorinë në luftën kundër korrupsionit dhe e inkurajoj atë që të thellojë hetimin për të vënë para përgjegjësisë të gjithë ata që kanë abuzuar me ligjin dhe detyrën. Sulmi vulgar ndaj meje nuk erdhi si ' rrufe në qiell të pastër' dhe as si nevojë e luftës politike me doza papërgjegjshmërie për ato që thuhen dhe etheve të një lufte pa asnjë princip për pushtet. Jo. Unë u sulmova me qëllimin e vetëm për t'u sulmuar drejtësia", deklaroi z. Gjonaj. Por, kryetarja e Lëvizjes Socialiste për Integrim, Monika Kryemadhi, iu përgjigj akuzave të ministres së Drejtësisë, Etilda Gjonaj, duke i kërkuar që të mos bëjë rolin e ' Virgjëreshës'. "Ne nuk e shantazhojmë zonjën Etilda Gjonaj, por ajo nuk mund të marrë pozicionin e ' Virgjëreshës', kur i dimë shumë mirë të gjithë pozicionet e saj dhe të gjithë kapjen e saj. Nëse një qytetar shqiptar mund të harxhojë vite të tëra për të fituar gjyqin për t'u kthyer në vendin e punës, bashkëshorti i Etilda Gjonajt u kthye me një vendim që u bë brenda një jave. Standardet nuk janë të dyfishta. Kemi votuar një reformë në drejtësi dhe duhet të kemi një standard", deklaroi zj. Kryemadhi. Por sipas ministres Gjonaj, qëllimi i këtij sulmi është goditja e drejtësisë. "Ka sulmuar familjarisht pas arrestimeve të një grupi personash që dyshohet se janë përgjegjës për një sërë abuzimesh dhe shkeljesh ligjore në Ministrinë e Drejtësisë gjatë viteve të
kaluara. Arrestimet e kryera nga prokuroria pas një kallëzimi të bërë si rrjedhojë e punës së një sërë inspektimeve të brendshme mbi procedura skandaloze tenderimesh kanë mjaftuar që Kryemadhi të lëshohet me shantazhime kundër meje dhe familjes sime. Nuk jam këtu për t'i kthyer përgjigje zonjës Kryemadhi lidhur me
sulmin e saj të ulët, por për t'i thënë çdokujt tjetër se nuk mund të më ndalin dot që të bëj me përkushtim, profesionalizëm dhe integritet moral dhe politik vetëm detyrën time. Procedurat e tenderimit në vitet 2016- 2017 kanë qenë abuzime", u shpreh ministrja Gjonaj. Pas arrestimit të 4 ish- zyrtarëve të Ministrisë së
ETILDA GJONAJ
"Sulmi vulgar ndaj meje nuk erdhi si rrufe në qiell të pastër dhe as si nevojë e luftës politike me doza papërgjegjshmërie për ato që thuhen dhe etheve të një lufte pa asnjë princip për pushtet. Jo. Unë u sulmova me qëllimin e vetëm për t'u sulmuar drejtësia", deklaroi ministrja e Drejtësisë, Etilda Gjonaj.
Drejtësisë të arrestuar për abuzime me tenderat, kryetarja e LSI, Monika Kryemadhi, akuzoi në seancën parlamentare të së enjtes ministren e Drejtësisë, Etilda Gjonaj, se po shantazhon gjyqtarët dhe prokurorët për të ndërhyrë në hetime. "Ajo mund ta dijë shumë mirë që korrupsionin e ka brenda në shtëpinë e saj. Le
t'u tregojë shqiptarëve përse është pushuar disa herë burri i saj nga Drejtoria e Përgjithshme e Tatimeve dhe kush janë lidhjet e bashkëshortit të saj me Elvis Martinajn apo me shumë pika të tjera të basteve", u shpreh kryetarja e LSI- së. Nisur nga kjo, Kryemadhi u shpreh se Gjonaj e ka korrupsionin
brenda në shtëpinë e saj. Në përgjigje, Gjonaj deklaroi: "Nuk isha prezent sot në Kuvend, se isha në një takim me ambasadorët, ku raportova për zbatimin e reformës në drejtësi, kur dëgjova akuzat nga Kryemadhi, që ishin në formën e një shantazhi. Ndihem e keqardhur që aty flitet për bashkëshortin tim. Janë në të drejtën e tyre të zgjedhin dhe mënyrën që duan për të bërë opozitën. Këtu duhet të ekzistojë debati për qytetarët, por opozita bën shantazhe dhe sulme personale. Bashkëshorti im nuk ka qenë i lidhur as me banda dhe as subjekte të lojërave të fatit. Shantazhi nuk është i tolerueshëm".