"Kavaja", Berisha: Në dorë të kujt janë fëmijët?

Ish-

kryeministri Sali Berisha, i pari që denoncoi skandalin e përdhunimit të një 13- vjeçareje në Kavajë, analizoi dje rastin që nga nisja e tij, e duke komentuar dhe veprimet apo mosveprimet e institucioneve. Ai i vë emrin "Vjolistan' dhe duke nisur që nga kryeministri Edi Rama, te ministri Lleshaj, ministrja Shahini e më tej iu përcakton rolet në këtë ngjarje të tmerrshme. Berisha shprehet se analiza e tij u bë për të treguar se në dorë të kujt jemi. "Këto ditë në Drenas në Kosovë një nxënëse 16- vjeçare u përdhunua nga një polic dhe një mësues. Krimin e shëmtuar e dënoi me ashpërsinë më të madhe me protesta të fuqishme shoqëria civile e Kosovës si dhe kryeministri dhe zyrtarët më të lartë të saj. Kosova së paku nuk është ' Vjolistan', por reagoi si një vend i qytetëruar", tha z. Berisha.