Mehmetaj pyet ministren Gjonaj: Çfarë pune bën bashkëshorti?
LSI
paralajmëroi dje një sërë denoncimesh në adresë të ministres Etilda Gjonaj në raport me drejtësinë. Deputetja e LSI, Kejdi Mehmetaj, tha se duke nisur nga sot ( dje), LSI do të nisë një seri pyetjesh dhe denoncimesh të dokumentuara në adresë të ministres së Drejtësisë, Etilda Gjonaj. Mehmetaj pyeti Gjonajn se ku punon bashkëshorti i saj dhe çfarë raporti ka me drejtësinë. "Në kuadër të transparencës për t'i ardhur në ndihmë reformës në drejtësi, nga sot dhe në vazhdim do të nisim një seri pyetjesh dhe denoncimesh publike dhe të dokumentuar ndaj ministres Gjonja dhe enturazhit të saj për të kuptuar se kush është Etilda. Pyetja e parë? Etilda Gjonja është ministrja e Drejtësisë apo e Etilda e gjykatave? Ku punonte bashkëshorti juaj dhe çfarë pune bënte deri në vitin 2016? Çfarë problemesh ligjore ka pasur bashkëshorti juaj në përudhen që është pushuar nga puna? Po në organet e drejtësisë, çfarë raporti ka pasur bashkëshorti juaj? Ku është sot bashkëshorti juaj dhe çfarë pozicioni pune mban? Shpresojmë që ministrja Gjonaj të ketë kurajën për t'ju përgjigjur këtyre pyetjeve, që sot ishin vetëm për të filluar", - theksoi deputetja e LSI.