Shkodra, Korça e Gjirokastra në protestë: Qeveria na braktisi
Opozita
organizoi dje të tjera protesta në të gjithë vendin. Dita e djeshme e gjeti Shkodrën, Korçën dhe Gjirokastrën në protestë, kundër qeverisë dhe Ramës. Protestuesit deklaruan se rritja e çmimeve, mungesa e punës e kanë bërë shumë më të vështirë jetesën në Shkodër, Malësi e Madhe dhe Pukë. "Në 6 vjet qeverisje, Rama bllokoi çdo investim për veriun e sidomos për kryeqendrën historike, Shkodrën, - deklarojnë protestuesit. Kjo situatë, shoqëruar sipas tyre edhe me rritjen e frikshme të krimit e bandave kriminale, po i detyron të rinjtë të ikin në emigracion. "Dy rrugë ka për të rinjtë, ose të bëhen pjesë e bandave kriminale, ose të ikin në Gjermani", deklaruan qytetarët. Qytetarët e Korçës dhe zonave përreth, protestuan në qendër të qytetit dhe në sheshin përpara bashkisë, duke ngritur zërin për gjendjen e vështirë që po kalon aktualisht çdo qytetar.