Haxhimali: Bashkitë nuk kanë sqaruar qytetarët

Dështon taksa e banesës

Edhe

pse nuk është marrë një vendim konkret për sh tyrjen e mbledhjes së taksës së banesë në bazë të metodologjisë së re duket se procesi ka dështuar. Agron Haxhimali kreu i shoqatës së bashkive deklaron se ky ligj duhej të hynte në fuqi që në datën 1 prill. "Ishte lënë afati 1 prill 2018. Nuk ka asnjë afat tjetër me ligj që ka përcaktuar shtyrjen e kësaj date për vjeljen e kësaj takse. Çdo afat tjetër i diskutuar do nisë më 1 janar, siç ju i referoheni Ministrisë së Financave nuk është asgjë më shumë sesa një opinion, diskutim mediatik"- thotë për OraNews Agron Haxhimali. Shqetësim mbetet edhe fakti që qytetarët nuk kanë marrë një sqarim konkret në lidhje me të gjithë procesin. "Jemi në një moment jashtëzakonisht të dobët sa i takon komunikimit dhe informimit të qytetarëve për mënyrën si dhe sa duhet ta paguajnë këtë taksë",- Agron Haxhimali. Mungesa e të dhënave duket se ka qenë një nga arsyet kryesore në mosaplikimin e kësaj takse, e cila në shumë bashki vijon të mblidhet me metodën e vjetër. Afrimi i zgjedhjeve vendore duket se do të shtyjë edhe për disa muaj pagesën e taksës së banesës në bazë të vlerës.