Balla në Përrenjas, inspekton punimet për shkollën e re

Drejtuesi

politik i qarkut të

Elbasanit, Taulant Balla, i shoqëruar nga deputeti socialist Nuri Belba, inspektuan dje nga afër punimet për rikonstruksionin e shkollës 9vjeçare "Dilaver Nezha" në

Qukës Shkumbin, Prrenjas.

Investimi po realizohet falë një fondi prej 289 milionë lekë të akorduar nga Ministria e Arsimit, Sportit dhe Rinisë. Shkolla e re që do t'u shërbejë së shpejti 290 nxënësve të kësaj zone, do të ketë ambiente krejtësisht të transformuara dhe një sistem ngrohjeje qendrore plotësisht bashkëkohor. "Ky projekt në fakt u nis si projekt rikonstruksioni, por për shkak të problematikave që ndodhën gjatë implementimit të projektit u desh të ndryshohet projekti për të vazhduar me një ndërtim tërësor të shkollës. I kemi kërkuar kompanisë të planifikojë edhe sistemin e ngrohjes. Do të na duhet që të ndërhyjmë për të garantuar edhe funksionimin dhe furnizimin e kaldajës, me qëllim që në një zonë të ftohtë sikurse është Qukës- Shkumbini, ne të garantojmë që edhe kjo shkollë të ruajë të njëjtin standard që jemi munduar të implementojmë në tri vitet e fundit, pothuajse në të gjitha shkollat e qarkut të Elbasanit, i cili garanton ruajtjen e temperaturave, po ashtu edhe sistemin e ngrohjes me kaldajë. Duhet të kemi parasysh që gjithmonë në gjithë këto shkolla sistemi i ngrohjes ka qenë jo vetëm joefiçent, por edhe në dëm të mjedisit dhe nuk garantonte një arsimim funksional në klasa", u shpreh Balla.