"Jelekët e verdhë" tentojnë të pushtojnë Parlamentin

Protestuesit tentojnë të hyjnë në Asamblenë Kombëtare, përleshen me policët Mbi 30 persona arrestohen, një 21- vjeçar humbet dorën

Ditën e djeshme vijuan protestat e "jele këverdhëve" në Francë, të cilët kanë hyrë tashmë në javën e 13, por që vihet re se janë po aq të dhunshme sa në ditën e parë. Dhuna këtë fundjavë u zhvendos përpara Parlamentit. Qindra protestues u përleshën ashpër me policinë gjatë tentativave për të pushtuar Asamblenë Kombëtare. Policia përdori granatat shokuese për të larguar protestuesit. Një protestues 21- vjeçar humbi njërën dorë, pasi granata i shpërtheu në dorë. Mbi 30 protestues u arrestuan. Dhunës dhe shkatërrimit nuk i shpëtuan automjete luksoze të parkuara pranë Parlamentit. Ndërsa në Lion "jelekëverdhët" u përplasën me një grup radikalësh të djathtë. Përplasja u përshkrua nga dëshmitarët që xhiruan pamjet si luftë civile. Dhunën këtë javë e shkaktoi një ligj i miratuar në parlament kundër huliganizmit gjatë protestave, që ndalon manifestuesit të mbulojnë fytyrat, çka prek drejtpërdrejtë "jelekëverdhët". Protesta e tyre ka shkaktuar tensione diplomatike mes Francës dhe Italisë. Zv. kryeministri italian, Di Maio ka lidhur aleancë me "jelekëverdhët" francezë, me të cilët synon krijimin e një koalicioni në Parlamentin Europian, pas zgjedhjeve të majit. Ndërkaq, mbështetja e qeverisë italiane për "jelekverdhët" në Francë i ka tensionuar marrëdhëniet mes dy vendeve fqinjë. Qeveria në Paris është e indinjuar dhe bën fjalë për një provokim të papranueshëm. Pas grindjeve prej disa javësh mes qeverisë së Francës nën presidentin Emmanuel Macron dhe qeverisë populiste të djathtë në Romë, Parisi e ka tërhequr për konsultime ambasadorin e vet nga Roma. Ndërhyrjet e fundit të Italisë në politikën e brendshme franceze janë një "provokim i papranueshëm", komunikoi Ministria e Jashtme franceze. Mbështetja e lëvizjes së "jelekëverdhëve" nga politika e Romës "cenon respektin për të cilin janë të detyruara ndaj njëra- tjetrës qeveritë e zgjedhura në mënyrë demokratike dhe të lirë".

Në fokus, zgjedhjet për Parlamentin Europian Përfaqësuesi i qeverisë franceze u shpreh i indinjuar edhe ndaj takimit të fshehtë të zëvendëskryeministrit italian, Luigi Di Maio, me përfaqësues të "jelekëverdhëve" të martën ( 06.02) në Paris. Vetëm katër muaj para zgjedhjeve për Parlamentin Europian, qeveria në Romë është angazhuar fare hapur për lëvizjen protestës, që kërkon tërheqjen e presidentit Macron. Kalkulimi që me sa duket bëjnë populistët është të fitojnë pikë në elektorat për zgjedhjet europiane. Di Maio nga lëvizja populiste "Pesë yjet" është takuar me disa kandidatë të "jelekëverdhëve" për zgjedhjet europiane në fund të majit, ndër ta edhe me zëdhënësin e lëvizjes së protestës, Christophe Chalenc- con. Ky është si figurë e diskutueshme për shkak të deklarimeve të tij ksneofobe dhe kundër islamizmit. Mes "jelekëverdhëve" dhe lëvizjes "Pesë yjet" ka shumë "pikëtakime", deklaroi zyra e Di Maios. Kjo ka të bëjë me temat për drejtësinë sociale, demokracinë direkt dhe mjedisin. "Era e ndryshimeve i ka kaluar alpet", pati komunikuar Di Maio pas takimit me "jelekëverdhët". Front kundër Macron

Qeveria e Italisë, e përbërë nga lëvizja "Pesë Yjet" dhe partia radikale e djathtë ' Lega' qysh muajin e kaluar i mbështeti "jelekëverdhët". "Jelekëverdhë - jini të qëndrueshëm", pati deklaruar Di Maio gjatë protestave. Zëvendëskryeministri italian dhe ministër i Brendshëm Matteo Salvini pati deklaruar se ai mbësh-

tet "qytetarët seriozë" në protestën e tyre kundër presidentit Macron, i cili qeveris "kundër popullit të tij". "Jelekëverdhët" në manifestimet e tyre të përjavshme kërkojnë dorëheqjen e Macronit dhe distancimin nga politika e tij sociale.

MOLLË SHERRI, POLITIKA E MIGRACIONIT

Qeveria italiane prej kohësh është në konflikt me Macronin, ndër të tjera për shkak

të politikës së saj restriktive ndaj emigracionit. Macron e akuzoi Rimën për "cinizëm" dhe "mungesë përgjegjësie", pasi Italia refuzoi të pranojnë ankorimin në portet e saj të anijeve me refugjatë. Di Maio u kundërvu duke deklaruar se emigrimi masiv nga Afrika është pasojë, që "vende të caktuara europiane, në radhë të parë Franca, asnjëherë nuk janë ndalur së kolonizuari vendet afrikane".