Tirana frenon Kukësin dhe i jep asist Partizanit
Doka ndëshkon verilindorët në një ndeshje të luftuar, ku bardheblutë befasuan shpenzimet milionere të rivalit Përfitojnë të kuqtë, që shkëputen në + 8 në krye
bukur në këtë takim, por si gjithnjë nuk mungoi një rast për moviolë, me gjirokastritët që reklamuan për një penallti në minutën e 39- të, ku Pollozhani ndërhyri ndaj Filit. Në fund të dyja skuadrat ndanë nga një pikë pas barazimit 0- 0, një "X" që as nuk kënaq, as nuk gëzon as- një nga të dyja ekipet. Luftëtari ndjen presionin nga poshtë, ndërsa Flamurtari sheh që Europa largohet gjithnjë e më shumë.
TEUTA, 11 METRA LARG FITORES
Fitorja është një kujtim i largët në Durrës me Teutën, që nuk e njeh një shije të tillë që nga viti i shkuar. Tri barazime në tri ndeshjet e fundit zbehim jo pak atë shkëlqim, që bregdetarët kishin fituar në dy fazat e para. Merkato e bujshme duket se ka "trullosur" idetë e Bledi Shkëmbit, i cili nuk po arrin ta rikthejë ekipin të paktën në nivelin që ishte në dy fazat e para. Pas Flamurtarit dhe Tiranës, është radha e Kamzës t'i marrë pikë dhe këtë ekipi i Ernest Gjokës e bëri jo duke u mbrojtur, por duke luajtur një 90- minutësh si të barabartë. Dukshëm Teuta ishte më dominuese, krijoi më shumë raste për shënim, por Kamza nuk "vodhi" asgjë, përkundrazi krijoi disa raste për shënim, ku edhe një herë në ' apel' u thirr Isli Hidi. Rastin më të pastër të sfidës e shpërdori Sherif Kallaku, i cili gaboi nga pika e bardhë e penalltisë në minutën e 19- të. Teuta shtoi presionin në zonën e Kamzës, mbi të gjitha në pjesën e dytë ku Kamara, Latifi e Kallaku provuan me çdo formë për të zhbllokuar takimin. Në fund të dyja skuadrat ndanë nga një pikë pas barazimit pa gola. Teuta nuk përfiton nga hapi fals i Kukësit, vijon të qëndrojë në vendin e tretë në kuotë ne 36të pikëve, ndërsa Kamza edhe pse me pikë të barabarta me Kastriotin, arrin t'i parakalojë duke u pozicionuar në vendin e 9- të me 16 pikë.