Opozita e bashkuar, zbardhen katër pikat e platformës së bashkëpunimit
Draftmarrëveshja/ Basha u propozon aleatëve kandidatë të përbashkët në zgjedhje PD do të negociojë me partitë të tjera jashtë koalicionit
Partia Demokratike u ka ofruar aleatëve të vet një platformë konkrete bashkëpunimi, nëpërmjet së cilës synohet të arrihet një koalicion opozitar, që do të luftojë për të siguruar zgjedhje të lira dhe të ndershme. Nëpërmjet këtij dokumenti që është përgatitur nga Partia Demokratike dhe që do të diskutohet me aleatët e opozitës, përveç krijimit të koalicionit, propozohet që partitë të bien dakord se rruga e vetme për të garantuar zgjedhjet e lira dhe të ndershme është formimi i një qeverie tranzitore, e cila duhet të ketë mandat për 4 çështje kyçe. Më konkretisht, qeveria transitore duhet të punojë kthimin e legjitimitetit politik të qeverisjes në vend, nëpërmjet zgjedhjeve të parakohshme parlamentare. Gjithashtu, për krijimin e kushteve të domosdoshme për zgjedhje të lira dhe të ndershme, parlamentare dhe vendore në Shqipëri, përmes dhënies fund të kapjes së shtetit nga krimi i organizuar, oligarkia dhe korrupsioni i lartë shtetëror; realizimin e Reformës Zgjedhore dhe ndjekjen e zbatimit të saj, me fokus të veçantë shkëputjen e lidhjes mes politikës dhe krimit, luftën ndaj fenomenit masiv të blerjes së votave, intimidimit kriminal mbi zgjedhësit, presionit mbi me- dian, si dhe eliminimin e pabarazisë mes partive politike pjesëmarrëse në zgjedhje. Gjithashtu, dy çështje të tjera për të cilat duhet të punojë qeveria transitore janë: krijimi i klimës së besimit për zba- timin e Reformës në Drejtësi, jashtë çdo ndërhyrje politike, si dhe krijimi i kushteve të nevojshme për të përshpejtuar nisjen e negociatave të Shqipërisë për anëtarësimin në Bashkimin Europian dhe
KOALICIONI
Ne, opozita e bashkuar, angazhohemi në një marrëdhënie politike dhe elektorale, e cila do të garantojë mundësi për çdo individ dhe parti politike për t'u bërë pjesë e këtij transformimi të rëndësishëm kombëtar, bazuar në parimin e proporcionalitetit dhe integritetit të nënshkruesve të kësaj platforme bashkëpunimi. ndërmarrjen e çdo reforme të nevojshme për këtë qëllim. Duke rikonfirmuar vullnetin se integrimi europian është prioritet kombëtar, koalicioni i bashkuar opozitarqytetar nëpërmjet kësaj platforme shpreh gatishmërinë e plotë për të ndërmarrë çdo hap që bën realitet këtë prioritet. "Partitë e koalicioni opozitar shprehin vendosmërinë për të ndërmarrë çdo aksion politik, institucional apo ligjor për realizimin e kushteve që sigurojnë zgjedhjet e lira dhe të ndershme dhe për t'i dhënë fund kapjes së qeverisjes dhe zgjedhjeve nga krimi i organizuar dhe paratë e pista të krimit dhe korrupsionit", - thuhet në këtë platformë. Drafti i hartuar nga PD vlerëson se arritja e kësaj platforme bëhet e rëndësishme në kushtet kur sipas saj, qeverisja aktuale dhe institucionet e drejtësisë nuk kanë ndërmarrë asnjë përpjekje konkrete, për të trajtuar çështjen e vazhdueshme të blerjes së votës, përdorimit të parave të pista në zgjedhje, si dhe angazhimit në zgjedhje të individëve me të kaluar kriminale, duke cenuar rëndë besimin e publikut në integritetin e zgjedhjeve. Ky dokument është nismë e kryetarit të Partisë demokratike, Lulzim Basha, i cili, pas arritjes së dakordësisë me partitë parlamentare të opozitës, do ta zgjerojë koalicionin edhe me parti të tjera jashtë parlamentit.