Debat për PPP, Shehaj: 70 mln euro për 16 km rrugë. Vijoni të vidhni
Koncesionet, nga 1 korriku, jo më kontrata PPP në infrastrukturë kur nuk ka një ofertë Komisioni miraton ndryshimet ligjore për veprat publike
Komisioni i Veprim tarisë Prodhuese diskutoi edhe ndryshimin e projektligjit për koncesionet dhe PPP- të. Ministria e Financave propozoi që nga 1 korriku i këtij viti të mos jepet më asnjë projekt me PPP kur nuk ka një ofertë. Ndërkohë, deputetët e opozitës kanë qenë ata që kanë ngritur dyshime, ndërsa mes tyre deputeti Agron Shehaj ka ngritur shumë pikëpyetje dhe dyshime. Duke u nisur nga fakti se këto ndryshime do të hyjnë në fuqi pas muajit korrik, Shehaj hodhi dyshime dhe kërkoi sqarime nga zv. ministrja e Financave nëse deri atëherë do të jenë dhënë koncesione të tjera. Ai denoncoi një tjetër rast, atë të dhënies me koncesion të rrugës OrikumDukat, kur tha se do të jepen 70 mln euro për 16 km rrugë.
KOMISIONI
Në Komisionin parlamentar të Veprimtarisë Prodhuese dhe Tregtisë është diskutuar dje projektligji i ri për koncesionet, në relacionin e të cilit parashikohen ndryshime të reja për kontratat me Partneritet Publik- Privat. Zv. ministrja e Financave, Albana Shkurta, ka bërë me dije se duke nisur nga 1 korrik 2019 nuk do të lejohen më kontrata PPP në infrastrukturë kur nuk ka një ofertë. "Projektligji vjen si iniciativë ligjore e Ministrisë së Financave. Synimi i tij është përmirësimi i kuadrit ligjor dhe të rrisë kontrollin mbi angazhimet fiskale. Në hartimin e tij janë marrë në konsideratë të gjitha rekomandimet dhe përvojat e dhëna nga institucionet ndërkombëtare si FMN, BB. Në ndryshimet e parashikuara janë heqja e kontratave koncesionare në një sërë sektorësh. Nga 1 korriku 2019 nuk do të lejohen më kontratat PPP të pakërkuara në infrastrukturë. Gjithashtu, parashikohet heqja e bonusit për propozimet e pakërkuara", - argumenton zv. ministrja. Lidhur me pyetjet e paraqitura nga deputetët në sallë, zv. ministrja mohoi të jenë dhënë kontrata PPP për llixhat, ndërsa në lidhje me kontratat për pompat e karburanteve, ajo bëri me dije se nuk është parashikuar tarifë shtesë. Shkurta shton se ndryshimi më i rëndësishëm i parashikuar është eliminimi i iniciativës nga një operator privat për kontrata koncesionare, në rast të një oferte të pakërkuar. Zv. ministrja tha: "Nuk mohohet dhënia e kontratave të ardhshme koncesionare për rrugët, por vetëm ato në rast se mungon një ofertë zyrtare". E pyetur për efektit në borxhin publik, zv. ministrja përgjigjet se për vitin 2019 vlera totale e këtyre lloj kontratave është parashikuar 3% të nivelit të të ardhurave.
NDRYSHIMET
Ligji ri, i cili do të hyjë në fuqi nga 1 korriku i këtij viti do të sjellë një ndryshim në menaxhimin dhe kontrollin e PPP- ve. Me ligjin e ri nuk do të mund të propozohen nga sektori privat projekte koncesioni/ PPP, përveçse në porte aeroporte, për prodhimin dhe shpërndarjen e energjisë elektrike, energjisë për ngrohje dhe shpërndarjen e gazit natyror. Gjithashtu, do të shfuqizohet sistemi i shpërblim- it me pikë bonus të propozuesve të pakërkuar dhe do të forcohet roli monitorues dhe kontrolli i MFE jo vetëm gjatë fazës së përgatitjes së projekteve të koncesionit/ PPP dhe gjatë zbatimit të kontratave.
Çdo proces që ka nisur do vazhdojë në kuadër të ligjit në fuqi
Pra, do vazhdoni të vidhni… Zonja nuk na dha përgjigje, ju jeni mazhoranca këtu, duhet të përgjigjeni.
Pra, po riparoni diçka të gabuar që keni bërë. Mos ndoshta abuzoi ministri i kaluar? Bëri veprime të papërgjegjshme? Duhet të ketë një arsyetim pse sillet sot ky projektligj? FMN dhe opozita prej vitesh kanë kërkuar të ndalohen këto PPP se po rrisnin borxhin publik në mënyrë kriminale.
Puna për përgatitjen e këtij projektligji ka kohë që ka filluar. Ka qenë në diskutime. Në hartimin e këtij projektligji janë marrë parasysh sugjerimet e institucioneve ndërkombëtare, por edhe rekomandimet apo komentet e marra nga ambienti brenda vendit. Ne mendojmë që ky projektligj adreson shqetësimet që kemi marrë. Këto projekte nuk është se nuk do ofrohen më, por eliminohet marrja e iniciativës nga privatët përmes një oferte të pakërkuar.