Hije skandali në koncesionin e laboratorëve
PPP, në lojë 100 milionë euro. Dyshimi, skenar si në raste të tjera. Fituesi transferon koncesionin "News 24": Marrëveshje e fshehtë për shitjen e aksioneve të paketës
Ireklamuar nga qeveria si një ndër koncesionet më të suksesshëm në shëndetësi, Partneriteti Publik- Privat në fushën e laboratorëve spitalorë ka mbetur në vendnumëro ende pa nisur. Ligjërisht PPP- ja e laboratorëve duhet të kishte nisur të vihej në zbatim që pas shpalljes së fituesit në 24 prill 2017. Por, në kontrast me rastet e tjera të kësaj natyre, kanë kaluar 22 muaj dhe koncesionin e ka mbuluar misteri që përforcohet, pasi në lojë janë 100 milionë euro. Çuditshëm qeveria për të dytin vit alokon mbi 8 milionë euro që të çojë përpara këtë koncesion. Vjet ky fond u dogj në kushtet e mungesës së kontratës, ç'ka hedh hije të forta dyshimi për kundravajtje ligjore gjatë procesit apo pas shpalljes së fituesit. Dyshimet amplifikohen edhe më nga heshtja e qeverisë dhe e ministrisë së linjës. Burime të besueshme pohojnë për "News 24" se ekziston një marrëveshje e fshehtë për shitjen e aksioneve të paketës koncesionare te një kompani tjetër. Të njëjtat burime konfirmojnë se transaksioni financiar do të ndodhë pasi të jetë firmosur kontrata mes bashkimit të ti kompanive fituese, "Labopharma", "Exalabm", "Laboratory Solution" dhe Ministrisë së Shëndetësisë. Nga sa po projektohet, kemi të bëjmë me të njëjtin skenar si në koncesionet e mëhershme në shëndetësi, që kanë ndryshuar pronar pa nisur ende aktivitetin. Kështu ka ndodhur me koncesionin e ' check ap', si dhe me shërbimin e hemodializës. Gara e hapur dy vjet më parë shkaktoi reagime nga opozita dhe grupimi i punonjësve në laboratorët aktualë shtetërorë në të gjithë vendin. Opozita pretendoi se kostoja vjetore për menaxhimin e 18 laboratorëve shtetërore ishte 1 milion euro, ndërsa sipas koncesionit, qeveria do t'i paguajë çdo vit mbi 8 milionë euro kompanisë fituese.
Ç'SHKRUANTE BIRN
Koncesioni i laboratorëve
PRETENDIMI I OPOZITËS
Opozita pretendoi se kostoja vjetore për menaxhimin e 18 laboratorëve shtetërore ishte 1 milion euro, ndërsa sipas koncesionit, qeveria do t'i paguajë çdo vit mbi 8 milionë euro kompanisë fituese.
është i katërti shërbim publik i shëndetësisë, që u kalon privatëve me një kosto totale të parashikuar në buxhetin e shtetit prej 41 miliardë lekësh ose më shumë se 300 milionë dollarë për 10 vitet e ardhshme. Pavarësisht kritikave dhe kundërshtive, Ministria e Shëndetësisë nuk u step të thellonte këtë praktikë edhe në muajt e fundit të mandatit të parë qeverisës. Efekti i parë i koncesionit të fundit pritet të reflektohet te 442 mjekët, kimistët dhe laborantët që punojnë aktualisht në sistemin laboratorik të vendit, të cilët protestuan kundër dhënies me koncesion të këtij shërbimi. Kundërshti dhe paralajmërim për rreziqe shfaqën edhe shoqatat e Biokimisë Klinike dhe Mjekësisë Laboratorike në një seancë dëgjimore në Komisionin parlamentar të Shëndetësisë. Sipas tyre, laboratorët mjekësorë janë një hallkë e rëndësishme e sistemit në diagnostikimin e popullatës, funksion publik që sipas tyre nuk mund t'u delegohej kompanive private. Asokohe, ish- ministri i Shëndetësisë, Ilir Beqaj, i cili inicioi këtë koncesion iu përgjigj akuzave se po aplikonte "një model të paeksperimentuar në asnjë vend të botës" me nevojën për investime dhe certifikimin ndërkombëtar të laboratorëve dhe analizave mjekësore.