Ngacmoi seksualisht 15- vjeçaren, përfundon në pranga efektivi i policisë në Malësi të Madhe
Nëna e minorenes: Në polici nuk na e pranuan denoncimin, Bajrakurti na kërcënoi Petrit Vasili: Lleshaj, dorëhiqu! Ngacmoi vajzën, Spahia: Polici ishte i larguar, por e riktheu PS
Pak ditë pas skandalit në Kavajë, ku një mi norene u abuzua seksualisht përmes kërcënimit të publikimit të një video intime, një tjetër rast i rëndë shantazhi dhe abuzimi ndaj të miturve është denoncuar nga qarku i Shkodrës. Kësaj here autori është një efektiv policie, i cili ka përfunduar në pranga pas zbulimit të një skandali seksual ndaj një vajze 15- vjeçare. Bëhet fjalë për shtetasin Berhan Bajrakurti, specialist i policimit në Komunitet në Gruemirë, në Komisariatin e Policisë së Malësisë së Madhe, i cili u arrestua një orë pas denoncimit që nëna e vajzës bëri në media, duke publikuar edhe video teksa inspektori i zonës i tregonte organin gjenital së bijës në video telefonata. Vajza 15- vjeçare e ka filmuar këtë moment, duke e paraqitur si një provë të fortë në polici, ku u bë edhe kallëzimi. "Në Shkodër është arrestuar menjëherë punonjësi i policisë që është shfaqur në videon e publikuar në media", - thuhet në një reagim të shkurtër nga policia. Nëna e saj është shprehur për portalin "Newsbomb" se Bajrakurti i kishte kërcënuar në Komisariatin e Koplikut ku shkuan për ta denoncuar, ndaj ajo u detyrua ta bënte publik rastin. Më pas, nëna ka thënë se ka shkuar të takojë drejtorin e Policisë Shkodër, por nuk ia ka dalë dhe atje i kanë thënë jozyrtarisht se s'duhet të merret me malësorët se ata janë të paprek- shëm. Sipas nënës, inspektori i Gruemirës, një burrë i martuar dhe me fëmijë, e përndiqte vajzën e saj duke e ftuar të hipte në makinë si dhe i dërgonte video me veprime të turpshme. Ndërkaq, mësohet se shumë vite më parë dhe konkretisht në vitin 2008, Berhan Bajrakurti është shkarkuar nga radhët e policisë për shkelje në detyrë. Sipas burimeve të "GSH", ai është rikthyer në detyrë në vitin 2015, ndërkohë që ditën e djeshme u prangos nga kolegët për ngacmimin seksual ndaj minorenes. Gjithashtu, mësohet se në zgjedhjet lokale të 2015- ës, Bajrakurti ka qenë komisioner i Partisë Socialiste në Malësinë e Madhe dhe menjëherë pas përfundimit të procesit zgjedhor, ai është rikthyer në detyrë. TIRANË - Pas arrestimit të efektivit të policisë për ngacmim seksual ndaj një minoreneje, ka reaguar në lidhje me këtë ngjarjeje të rëndë deputeti i PD- së, Bardh Spahia, i cili shprehet se ky është rasti më flagrant se si funksionon shteti. Me anë të një statusi në rrjetin social "Facebook", Spahia jep detaje të tjera për Barjakurtin. Ai shprehet se i arrestuari ishte i prekur nga dekriminalizimi, por u rikthye sërish në detyrë nga persona me influencë brenda Partisë Socialiste. "Rasti i Malësisë së Madhe është Në
lidhje me ngjarjen e rëndë në Shkodër ka reaguar përmes "Facebook"- ut edhe kreu i grupit parlamentar të LSI- së, Petrit Vasili. Ai ka rikthyer në kujtesë fjalët e ministrit të Brendshëm, Sandër LLeshaj në emisionin "Opinion" pas emërimit në këtë post. Duke i bashkangjitur me disa sekuenca të videos së policit në Malësi të Madhe, Vasili i kërkon ministrit Lleshajt dorëheqjen. Madje, Vasili e quan të kryer këtë pjesë. "Pse e vonon dorëheqjen Lleshaj? Shiheni në video se si i merr përsipër vetë përgjegjësitë ministri i Brendshëm, Lleshaj. Me siguri do ta ketë dhënë dorëheqjen pas ngjarjes së fundit të turpshme të policisë në Malësinë e Madhe. Ja, shiheni vetë ç'ka thënë i intervistuar nga Fevziu", shkruan ai. rasti më flagrant se si funksionon sot shteti. Shefi i komisariatit, Berhan Bajrakurtaj, i larguar nga dekriminalizimi kthehet në detyrë nga personat më të rëndësishëm politik të Partisë Socialiste të Malësisë së Madhe. Sigurisht që ish- komisioneri i PS në zgjedhjet e qershorit 2015 ishte i domosdoshëm për mazhorancën e lidhur me krimin. Është e tmerrshme dhe thellësisht kriminale përpjekja e kupolës së policisë së Malësisë së Madhe dhe Policisë së Shkodrës për ta mbuluar këtë ngjarje nëpërmjet kërcënimeve të denoncuesve. Tashmë është bindje e thellë që ky është modeli dhe standardi i "rilindjes". Duhen zhdukur një orë e më parë kjo bandë e neveritshme kriminale", shkruan ai.