TAKIMET
Opozita i bëri dje thir rje qeverisë që mos të bllokojë rrugët ditën e shtunë, kur qytetarë nga rrethet do të mblidhen në protestën para Kryeministrisë. Sekretari i përgjithshëm i Partisë Demokratike, Gazment Bardhi, deklaroi se nëse do të bllokohen dy akset kryesore kombëtare që lidhin Tiranën me veriun dhe me jugun e vendit, atëherë protestuesit do t'i heqin me dhunë pengesat e vëna nga policia. Z. Bardhi përmendi shembullin e zonës së "Astirit", ku banorët protestues kundër projektit të ' Unazës së Madhe' larguan me dhunë makineritë e kompanisë private që do të ndërtojë rrugën. "Po paralajmërojmë që tani çdo kompani ndërtimi që të mos nxjerrin në rrugë asnjë makineri dhe të mos bëjnë asnjë veprim që cenon lëvizjen e lirë të protestuesve drejt Tiranës! Përndryshe, fati i tyre është i njohur! Qytetarët do t'i heqin pengesat me mënyrat e tyre, njësoj siç bënë banorët e ' Unazës së Re'! Shqiptarët do të jenë në Tiranë të shtunën. 16 shkurti është protesta që do t'i japë fund një pushteti të blerë me votat e krimit, një qeverie të kapur në vjedhjen e zgjedhjeve dhe në vjedhjen e qytetarëve të saj", theksoi sekretari i përgjithshëm i PDsë. Ai u shpreh se bllokimi i akseve rrugore nuk t'i pengojë qytetarët të bashkohen me opozitën. "Teknikisht nuk ka asnjë motiv për bllokimin e autostradës dhe rrugëve të tjera kombëtare. Teknikisht, nëse do të ishte vërtet e nevojshme dhe jo një vendim në kushtet e panikut, qytetarët duhet të ishin lajmëruar disa ditë më parë, siç është vepruar në raste të tjera", tha z. Bardhi.
DEKLARATA
LSI përmes deputetit Luan Rama garantoi dje se protesta e opozitës më 16 shkurt do të jetë paqësore dhe nuk do të ketë shfaqje të dhunës. Zëvendëskryetari i LSI- së bëri të ditur se qytetarët do të dalin në protestë vetëm për të kundërshtuar, sipas tij, qeverinë e korrupsionit dhe lidhjet me krimin. Ai tha se do jetë dita e fitores së qytetarëve mbi të keqen. "Protesta e 16 shkurtit nuk është një konfrontim mes qytetarëve dhe institucioneve të shtetit, por është fillimi i luftës së qytetarëve kundër të keqes. Është demonstrimi i forcës qytetare përballë papërgjegjshmërisë së qeverisë, është manifestimi solidaritetit dhe angazhimit qytetar përballë krimit, korrupsionit, trafiqeve së qeverisë që është bërë pengesë në procesin e integrimit evropian të vendit. Prandaj edhe njëherë