Ndryshimet në qeverisje, Rama bën tri lëvizje të tjera
Qeveria emëroi dy zv. ministra të Arsimit dhe shkarkoi një zv. ministër te Bujqësia "Qeveria ka ndryshuar shumicën e drejtorëve"
Vala e ndryshimeve në qeveri të ndërmarra që në fund të dhjetorit të shkuar si reagim për protestën e studentëve nuk ka përfunduar akoma. Pas ndryshimit të shumicës së anëtarëve të kabinetit qeveritar, kreu i qeverisë po vijon edhe me ndryshimet në nivelet e mëposhtme të qeverisjes, zëvendësministra dhe drejtorë të përgjithshëm. Në këtë kuadër, Këshilli i Ministrave ka miratuar dje disa ndryshime zëvendësministrash dhe që prekin dy ministri, atë të Arsimit dhe atë të Bujqësisë. Gjatë mbledhjes së djeshme qeveria miratoi emërimin e dy zëvendësministrave të rinj të Arsimit, Sporteve dhe Rinisë. Bëhet fjalë për emërimin e Lorena Haxhiut, e cila nuk është një emër i panjohur për opinionin publik. Ajo njihet si një nga imazhet e ekranit, pasi ka prezantuar disa programe e emisione të mëngjesit apo pasdites në disa televizione. Ndërkohë që zëvendësministrja e re e Arsimit ka mbajtur edhe postin e drejtoreshës së Përgjithshme të Shërbimit Rinor, në varësi të Ministrisë së Arsimit, para se t'i besohej posti që la vetë Besa Shahini. Zëvendësministri tjetër i emëruar dje është Redi Shtino. Ai ka formim si jurist dhe ka mbajtur deri në 2017 postin e zëvendësministrit të Arsimit, gjatë kohës kur drejtonte Lindita Nikolla. Pra, për të është një rikthim në këtë detyrë. Po gjatë mbledhjes së djeshme, qeveria ka bërë edhe një tjetër ndryshim në rang zëvendësministrash. Ajo ka liruar nga detyra zëvendësministrin e Bujqësisë dhe Zhvillimit Rural, Ilir Haliaj. Këto nuk janë të vetmet ndryshme që qeveria ka bërë në nivel zëvendësministrash, pasi më parë ka bërë disa lëvizje edhe në ministri të tjera siç është edhe ajo e Transporteve dhe Energjisë. Po ashtu, Rama ka ndryshuar pjesën dërmuese të drejtorëve të një sërë institucionesh të rëndësishme. Vetëm një javë më parë u shkarkua drejtori i Përgjithshëm i Burgjeve, Stefan Çipa, megjithëse kishte vetëm pak muaj në krye të këtij institucioni. Vendin e tij e zuri Agim Ismaili, që deri më parë mbante detyrën e Drejtorit të Autoritetit të Kontrollit Ushqimor. Në po të njëjtën ditë Stefan Çipa u emërua në krye të Entit Kombëtar të Banesave. Ndërkohë që në vend të Agim Ismailit, tek AKU u emërua ish- drejtori i KESH, Agron Hetoja. Vetë Hetoja ishte shkarkuar dy javë më parë nga pozicioni i drejtorit të KESH dhe në
ZV. MINISTRJA
Gjatë mbledhjes së djeshme qeveria miratoi emërimin e dy zëvendësministrave të rinj të Arsimit, Sporteve dhe Rinisë. Bëhet fjalë për emërimin e Lorena Haxhiut, e cila nuk është një emër i panjohur për opinionin publik. Ajo njihet si një nga imazhet e ekranit, pasi ka prezantuar disa programe e emisione të mëngjesit apo pasdites në disa televizione.
vend të tij u emëruar ishdrejtori i Fondit të Zhvillimit të Rajoneve, Benet Beçi. Ndërkohë që në vend të Benet Becit u emërua Dritan Agolli. Ndërkohë që një lëvizje e bujshme ishte edhe ajo e shkarkimit të drejtorit të Përgjithshëm të Rrugëve, Afrim Qendro, i cili u zëvendësua nga ish- ministrja e Sipërmarrjes, Sonila Qato. Gjithashtu, një tjetër lëvizje e rëndësishme ka qenë edhe ajo e shkarkimit të drejtorit të OST- së, Klodian Gradeci, i cili u zëvendësuar me ishdrejtorin e IMT- së së Bashkisë Tiranës, Skerdi Drenova.