Aksident i rëndë në rrugën Shkup- Tetovë: Rrokulliset autobusi, kalimtarët në ndihmë të pasagjerëve
Shpërthen goma e mjetit, 20 persona transportohen në spital
ngujuar brenda autobusit dhe po presin ndërhyrjen e ekipeve të shpëtimit. Kalimtarët e rastit dhe qytetarët, të cilët gjenden në vendngjarje janë mbledhur grup dhe po mundohen që të rrokullisin autobusin, për të mundësuar tërheqjen e udhëtarëve që kanë ngelur brenda autobusit të nxirren jashtë. Mjete të rënda janë sjellë në vendngjarje për të mundësuar që të lëvizin autobusin, kuj- tojmë që autobusi është rrokullisur në kilometrin e shtatë të autostradës Shkup- Tetovë. Ekipet e ndihmës së shpejtë janë mbledhur në vendngjarje nga ku po ndihmohen nga kalimtarët e rastit dhe banorët përreth, për të nxjerrë nga autobusi udhëtarët, të cilët kanë ngelur brenda, dyshohet edhe për të vdekur. Deri tani, tri ambulanca dhe disa ekipe policore si dhe një ekskavator privat janë angazhuar në shpëtimin e personave. Patrullat policore kanë bllokuar dhe siguruar perimetrin e aksidentit. Zv. ministri i Brendshëm, Agim Nuhiu është duke shkuar në vendin e ngjarjes. Akoma nuk dihet numri i udhëtarëve si dhe nëse ka apo jo të lënduar rëndë ose viktima gjatë këtij aksidenti. Ekipet mjekësore tanimë kanë filluar të transportojnë disa të lënduar në Qendrën Klinike të Shkupit. Sipas dëshmitarëve thuhet se shkak i aksidentit ishte plasja e gomës pas së cilës autobusi ka përfunduar në korsinë e kundërt të autostradës. Informatat e para thonë se bëhet fjalë për autobusin e kompanisë Durmo Turs. Për shkak të aksidentit, rruga Shkup- Tetovë për momentin është e bllokuar.