Rusia paralajmëron SHBA për Venezuelën: Mos ndërhyni
Policia
indoneziane ka kërkuar falje për përdorimin e një gjarpri për të frikësuar një hajdut të dyshuar, pasi pamjet shqetësuese u publikuan ' online'. Oficerët e policisë në video shfaqen te qeshin, ndërkohë që një hetues hedh gjarprin mbi një burrë të prangosur që ulërinte nga frika. "BBC" raporton se ngjarja ka ndodhur në rajonin e Papuas në Indonezi. Shefi i policisë lokale tha se ishte joprofesionale, por e mbrojti si praktikë, duke thënë se gjarpri nuk ishte helmues. Aktivistja e të drejtave të njeriut, Veronica Koman, i publikoi pamjet e rënda në faqen e saj në "Twitter" me pretendimin se autoritetet e kishin vendosur një aktivist që mbështet pavarësinë e Papuas në një qeli me një gjarpër. Në video dëgjohet zëri i dikujt që kërcënon të pandehurin se do t'ia vendosë gjarprin në gojë dhe poshtë pantallonave. Raportimet për abuzime me të drejtat e njeriut në Papua, ku separatistët prej kohësh kërkojnë pavarësinë në Indonezi janë të shpeshta.