Përplasja, policia refuzon lejen e PD- së për protestën e 16 shkurtit

PD: Jo policia, qytetarët vendosin për vendin e protestës

Gazeta Shqiptare - - Protesta - Valentina Madani

Partia Demokratike akuzon Policinë e Sh tetit se po vepron nën urdhrat politikë të Edi Ramës, i cili i frikësuar nga bashkimi popullor, po ndjen vetminë e tij politike. Policia e Tiranës ka refuzuar lejen për protestë pa afat të Partisë Demokratike. Selia blu në kërkesën drejtuar policisë kërkonte që leja për tubim, që nis në orën 11: 00 të jetë pa një afat të përcaktuar se kur do të mbarojë. Por, kërkesa është kthyer me argumentin që të specifikohet orari se kur do të mbyllet tubimi para selisë së qeverisë, ndërsa lë afat orën 24: 00 të së shtunës. Ndërkohë që një tjetër problem në kërkesën për leje të dorëzuar nga PD- ja janë edhe koordinatat. PD kërkoi leje për protestën në katër rrugët që rrethojnë Kryeministrinë, bulevardin "Dëshmorët e Kombit" te sheshi para Kryeministrisë, lulishtja te Piramida dhe te rruga "Ismail Qemali" në krah të Kryeministrisë. Duke iu përgjigjur interesimit të medias, PD theksoi dje përmes një deklarate se policia nuk ka asnjë autoritet ligjor për të vendosur vendin e zhvillimit të protestës. Reagimi erdhi pasi "News 24" zbardhi 4 korrespodenca dhe replikat mes Partisë Demokratike dhe Policisë së Tiranës për zhvillimin e protestës së 16 shkurtit para godinës së Kryeministrisë. "News 24" ka siguruar kërkesën e opozitës bërë nëpërmjet sekretarit të përgjithshëm, Gazmend Bardhi, që njofton policinë se protesta do të zhvillohet në bulevardin "Dëshmorët e Kombit" tek sheshi para Kryeministrisë, lulishtja tek Piramida dhe te rruga "Ismail Qemali" në krah të Kryeministrisë, rrugë në të cilën mjetet lëvizin nga RTSH- ja drejt bulevardit. Partia Demokratike reagoi pas vendimit të Policisë së Shtetit për të mos lejuar opozitën që të kryejë tubimin më 16 shkurt, në

sheshet dhe vendkalimet publike, bulevardi "Dëshmorët e Kombit", sheshi përpara Kryeministrisë, lulishtja tek Piramida dhe Rruga "Ismail Qemali". Duke iu përgjigjur interesimit të medias mbi lajmin e shpërndarë në lidhje me protestën, PD sqaron: "Në përputhje me Ligjin për Tubimet, Partia Demokratike ka njoftuar Po-

licinë e Shtetit për zhvillimin e tubimit më datë 16 shkurt 2019, ora 11.00, në sheshet dhe vendkalimet publike bulevardi ' Dëshmorët e Kombit', sheshi përpara Kryeministrisë, lulishtja te Piramida dhe Rruga ' Ismail Qemali'. Policia e Shtetit, në kundërshtim me ligjin dhe për arsye politike, ka njoftuar ndryshimin e vendit të protestës,

POLICIA

Policia e Tiranës ka refuzuar lejen për protestë pa afat të Partisë Demokratike. Selia blu në kërkesën drejtuar policisë kërkonte që leja për tubim, që nis në orën 11: 00 të jetë pa një afat të përcaktuar se kur do të mbarojë. Por, kërkesa është kthyer me argumentin që të specifikohet orari se kur do të mbyllet tubimi para selisë së qeverisë, ndërsa lë afat orën

24: 00 të së shtunës.

duke mos lejuar zhvillimin e saj edhe te lulishtja te Piramida dhe Rruga ' Ismail Qemali'. Sipas ligjit, policia nuk ka asnjë autoritet ligjor për të vendosur vendin e zhvillimit të protestës. Partia Demokratike nuk pret leje nga Policia e Shtetit për zhvillimin e tubimit, sepse ajo është një e drejtë kushtetuese e opozitës dhe qyteta-

rëve. Kjo është arsyeja se përse ligji parashikon njoftimin e policisë dhe jo kërkesën për leje. Qëndrimi i Partisë Demokratike i është bërë i njohur zyrtarisht Policisë së Shtetit, duke i kujtuar se ka përgjegjësi ligjore për të siguruar mbarëvajtjen e protestës, në vendet e njoftuara nga Partia Demokratike. Policia e Sh-

tetit po vepron nën urdhrat politikë të Edi Ramës, i cili, i frikësuar nga bashkimi popullor, po ndjen vetminë e tij politike. Duke garantuar qytetarët për protestën e 16 shkurtit, Partia Demokratike ka marrë të gjitha masat për sigurinë e protestuesve dhe ushtrimin prej tyre në mënyrë të ligjshme dhe pa asnjë pengesë".

Newspapers in Albanian

Newspapers from Albania

© PressReader. All rights reserved.