Tirana në shtetrrethim, policia 1300 forca për protestën

Gazeta Shqiptare - - Policia -

Tirana

do jetë sot në gjendje "shtetrrethimi". Rreth 1300 forca policie jo vetëm nga komisariatet dhe forcat e specializuara që gjenden në Tiranë, por edhe forca policore nga rreth do të kujdesen për mbarëvajtjen e protestës. Rreth 900 punonjës rendi do te dislokohen pranë kryeministrisë. Vëmendje e veçantë do i kushtohet ruajtjes se institucioneve që janë pranë bulevardit "Dëshmorët e Kombit". Ne gatishmëri do të qëndrojnë ambulanca dhe shërbimi zjarrfikës. Parapërgatitja për protestën ka nisur më herët. Rreth një javë më parë me një udhëzim të veçantë nga Drejtoria e Përgjithshme e Policisë u është lënë detyrë komisariateve të evidentojnë personat e dhunshëm. Ata do të monitorohen gjatë protestës. Kontrolle do të kryhen në akse të ndryshme të Tiranës për njerëz të dyshimtë, ose për ata që ka informacion. Ndryshe nga protestat e mëparshme, priten të aktivizohen më pak punonjëse policie femra. Masa ka marrë edhe Policia Rrugore. Autobusët që do të vijë me protestues nuk do të lejohen të futen në qytet. Ata që vijnë nga ana veriore do stacionohen pranë stadiumit "Asllan Rusi", ndërsa nga ana jugore te Fakulteti Ekonomik.

Newspapers in Albanian

Newspapers from Albania

© PressReader. All rights reserved.