Shpëtuan Dritan Dajtin nga burgimi i përjetshëm, kontrollohen banesat e gjyqtarëve në 5 qytete

17 mijë euro e fishekë, Damini: Paratë janë të djalit, kam dokumente Policia: Gjetëm municione dhe mijëra euro. Shoqërohet e më pas lihet i lirë gjyqtari vlonjat

Gazeta Shqiptare - - Policia -

Me vendim të Gjykatës së Krimeve të Rënda, policia ka ushtruar kontroll në pesë banesat e tre gjyqtarëve të Apelit, të cilët disa ditë më parë pranuan gjykimin e shkurtuar për Dritan Dajtin, duke e shpëtuar atë nga burgimi i përjetshëm. Kërkesa për kontrollin e banesave është bërë nga Prokuroria e Krimeve të Rënda, e cila po heton gjyqtarët për akuzën e korrupsionit. Kjo pas vendimit të dhënë prej tyre, i cili çoi dënimin me 25 vite burg për Dajtin, i akuzuar për vrasjen e 4 policëve në gusht të vitit 2009. Mësohet se kontrollet e uniformave blu kanë nisur mëngjesin e djeshëm, në orën 07: 00. Burime për "Gazeta Shqiptare" bënë me dije se forcat speciale të policisë zhvilluan kontrolle blic në banesat e gjyqtarëve Skënder Damini, gjyqtar në Gjykatën e Apelit në Vlorë; Petrit Aliajn, gjyqtar në Gjykatën e Apelit të Vlorës, si dhe Aleks Nikolli, gjyqtar në Gjykatën e Apelit në Shkodër. Operacioni është zhvilluar njëkohësisht në 5 qytete dhe konkretisht në Tiranë, Lezhë, Shkodër, Vlorë dhe Sarandë, aty ku ndodhen edhe shtëpitë e gjyqtarëve. Burime zyrtare nga policia bënë me dije se gjatë kontrolleve të bëra janë gjetur një sasi municioni, mijëra euro dhe prova të tjera, të cilat do të administrohen nga organet ligjzbatuese". Gjyqtari Damini u shoqërua në polici dhe më tej u la i lirë pas disa orëve marrjeje në pyetje. Në kontrollin blic, forcat speciale gjetën në banesën e tij një sasi municionesh luftarake pa leje të autoriteteve, si dhe një vlerë monetare prej rreth 17 mijë eurosh të vendosura në sirtar në vendin e rrobave të brendshme. Pas shoqërimit, "GSH" ka zbardhur dëshminë e gjyqtarit Damini, i cili ka deklaruar se paratë janë të djalit të tij biznesmen dhe se për këtë ka dokumente.

KONTROLLET

Forcat special të policisë ushtruan kontroll në banesën e gjyqtarit Skënder Damini, në Tiranë dhe banesën e tij në Vlorë, pranë "Ujit të Ftohtë". Gjithashtu, është ushtruar kontroll në banesat e gjyqtarit Petrit Aliaj në Sarandë dhe banesa në Tiranë. Të afërmit e tij janë shprehur se ai nuk gjendet në Sarandë, por është larguar drejt Greqisë. Aksioni është zhvilluar edhe në Lezhë, në banesën e Aleks Nikollit, ndërsa nuk sqarohet nëse janë gjetur materiale kompromentuese. Policia e Shtetit ka konfirmuar operacionin e djeshëm për kontrollin e banesave të tre gjyqtarëve që zbutën vendimin për Dritan Dajtin. Policia deklaroi se ka gjetur municione, mijëra euro dhe prova të tjera, pa për- caktuar se çfarë provash bëhet fjalë. Duke iu përgjigjur interesimit të medias, Policia e Shtetit konfirmon aksionin e ndërmarrë nga forcat speciale, në zbatim të urdhrit nr. 89, datë 14 shkurt 2019, të Gjykatës së Shkallës së Parë për Krime të Rënda, për të ushtruar kontroll në banesat e tre gjyqtarëve, të cilët zbutën dënimin e Dritan Dajtit. Operacioni policor vazhdon, por mund të konfirmojmë se deri tani janë gjetur një sasi municioni, mijëra euro dhe prova të tjera, të cilat do të administrohen nga organet ligjzbatuese. Në përfundim të operacionit, Policia e Shtetit do të ketë një komunikim të veçantë me median dhe publikun", thuhej në njoftimin

zyrtar të ditës së djeshme.

DËSHMIA E GJYQTARIT SKËNDER DAMINI

Ka qenë avokati i tij që ka rrëfyer dëshminë e Daminit pas shoqërimit. Mësohet se gjyqtari ka thënë se paratë e gjetura në banesë janë të djalit të tij dhe disponon dhe dokumentacionin e tyre. "Gjyqtari ka firmosur si të ligjshëm kontrollin e banesës, meqenëse ishte me urdhër gjykate", tha avoka-

ti i tij. Për sa i përket vendimit për Dritan Dajtin, gjyqtari ka marrë të gjithë përgjegjësinë. "Paratë e gjetura janë të djalit dhe disponoj të gjithë dokumentacion e tyre. Ndërsa 8 fishekët e gjetur janë të pistoletës që e mbaja deri para pak kohësh sipas ligjit dhe e kam dorëzuar. Lidhur me vendimin për të akuzuarin, ka qenë bindja ime personale nga leximi i dosjes", ka dëshmuar gjyqtari Damini.

Gjyqtari Skënder Damini

Dritan Dajti në gjykatë

Newspapers in Albanian

Newspapers from Albania

© PressReader. All rights reserved.