5 orë sulm me flakë e bomba molotov mbi Kryeministrinë, MSH: U lënduan 19 persona
Policia nis hetimet, shoqërohen mbi 20 persona. Mes tyre edhe Florenc Hoxha Protestuesit shkatërruan skelat mbrojtëse e thyen xhamat, Garda kundërpërgjigjet me gaz lotsjellës
Mijëra qytetarë nga rrethe të ndryshme të vendit morën pjesë ditën e djeshme në protestën e thirrur nga opozita e bashkuar që prej më shumë se një muaji për të rrëzuar kryeministrin Edi Rama dhe për t'i hapur rrugë krijimit të një qeverie transitore, që do të përgatisë vendin për zgjedhje të parakohshme parlamentare. Partitë opozitare e nisën tubimin në orën 11: 00 në bulevardin "Dëshmorët e Kombit". Protesta nisi me lule për efektivët e policisë, por u përshkallëzua në dhunë dhe me përplasje me Policinë e Shtetit. Tubimi i planifikuar të ishte paqësor u shndërrua në pak minuta në një sulm me mjete të forta ndaj godinës së Kryeministrisë. Protestuesit hodhën kapsolla, bidonë me ujë, tymuese, bomba molotov dhe sende të tjera, ndërsa shkatërruan skelat mbrojtëse dhe i vendosën flakën disa herë hyrjes së Kryeministrisë. Gjithashtu, protestuesit shkatërruan edhe instalacionin e kërpudhës së vendosur në lulishten e godinës. Ndërkaq, policia dhe Garda e Republikës kanë reaguar duke sprapsur protestuesit. Burime zyrtare nga Ministria e Shëndetësisë dje bënë me dije se nga përplasja mes pjesëmarrësve në protestë dhe efektivëve blu janë lënduar në total 19 persona. Sipas këtyre burimeve, 9 nga të lënduarit janë punonjës të policisë, 2 përfaqësues të medias dhe 8 protestues. Ata kanë marrë në kohë ndihmën mjekësore, fillimisht nga ekipet e terrenit të urgjencës kombëtare mjekësore dhe më pas janë dërguar për mjekim të mëtejshëm në 3 spitalet universitare të Tiranës. Pasi kanë marrë trajtimin mjekësor, personat e lënduar kanë lënë spitalin dhe janë në gjendje të mirë shëndetësore. E ndërsa vijonte sulmi mbi godinën e Kryeministrisë, ka reaguar ministri i Brendshëm, Sandër Lleshaj, i cili përmes një statusi në "Twitter" u bëri thirrje drejtuesve politikë që të distancoheshin nga dhuna. "U bëj thirrje gjithë drejtuesve politikë që të distancohen nga dhuna që po ushtrohet ndaj institucioneve të Shqipërisë. Ftoj qytetarët të distancohen nga elementët e dhunshëm. Është me shumë vlerë të dëgjohet zëri i arsyeshëm i miqve të mëdhenj të Shqipërisë. Jo dhuna, por arsyeja na afron drejt Europës së vlerave tona!", - shkruan Lleshaj.
Protesta më e madhe në gjashtë vitet e fundit, ku PD është në opozitë u përmbyll pas 5 orëve mes flakëve dhe tymit. Ndërsa, policia dhe prokuroria kanë nisur hetimet për identifikimin e per- sonave që kryen akte të dhunshme gjatë protestës, duke dhunuar pronën publike. Deri më tani raportohet për 20 persona të shoqëruar, mes të cilëve dhe ish- drejtori i policisë bashkiake, Florenc Hoxha. Ky i fundit dyshohet për nxitje të dhunës.
DHUNA NË PROTESTË
1 mijë e 500 forca policie ishin dje në gatishmëri në të gjithë perimetrin e Kryeministrisë. Ajo që u vu re në radhët e policisë është fakti se në protestën e djeshme pati një prani më të vogël të efektiveve femra në krahasim me tubimet e mëhershme, kjo edhe për shkak të incidentit të ndodhur me Ina Nukën në protestën e banorëve të "Unazës së Re", përballë parlamentit. Anash dhe pas Kryeministrisë ishin në
SULMI
Tubimi i planifikuar të ishte paqësor, u shndërrua në një sulm me mjete të forta ndaj godinës së Kryeministrisë. Protestuesit hodhën kapsolla, bidonë me ujë, tymuese, bomba molotov dhe sende të tjera, ndërsa shkatërruan skelat mbrojtëse dhe i vendosën flakën disa herë hyrjes së Kryeministrisë. Ata shkatërruan dhe instalacionin e kërpudhës në lulishte. gatishmëri edhe efektivë të forcave RENEA, ndërkohë që autoblinda të forcave speciale u stacionua pranë ishhotel "Dajtit", me prezencë edhe të Forcave të Ndërhyrjes së Shpejtë. Të parët që u përballën me presionin e turmës ishte gardhi para godinës së qeverisë. Ishte ky moment kur drejt Kryeministrisë u hodhën disa tymuese dhe bomba molotov. Disa prej protestuesve që arritën të çanin kordonin nisën të hiqnin mbulesën e vendosur në tendën para godinës. Më pas ata goditën me sende të forta xhamat e blinduar të Kryeministrisë, duke arritur t'i thyejnë. Protestuesit provuan të gjitha mënyrat për të hyrë në Kryeministri. Ata u vendosën flakën pemëve para godinës, ndërsa shkatërruan edhe kërpudhën e famshme. Nisur nga situata e krijuar, policia e vendosur nga brenda nisi të hedhë ujë drejt protestuesve, ndërsa përdori edhe gaz lotsjellës. Hedhja e gazit lotsjellës e detyroi shpeshherë turmën të tërhiqej, por pas disa minutash, protestuesit vijuan sulmin ndaj dyerve të Kryeministrisë. Shumë prej protestuesve pësuan asfiksi. Ata në gjendje më të vështirë u transferuan me ambulancë drejt spitalit. Protestuesit janë përballur me një situatë të rëndë për shkak të gazit lotsjellës. Në krah të Kryesisë së Kuvendit, një prej protestuesve është shtrirë për tokë pa ndjenja, ndërsa protestues të tjerë kanë shpejtuar që t'i japin ndihmë. Ndërkaq, jo më pak tronditëse ishte pamja e protestuesve të tjerë të ulur në bordurë me kokën ndër duar, teksa fshinin sytë për shkak të gazit lotsjellës. Në përfundim të protestës së djeshme është parë në sheshin para Kryeministrisë dhe drejtori i përgjithshëm i Policisë së Shtetit, Ardi Veliu, i cili ka takuar e përgëzuar nga afër policët që formuan kordonin mbrojtës. Ndërsa për gazetarët ka komentuar shkurt: "Policia ka bërë detyrën dhe vetëm detyrën".