Berisha, Ramës: Jep dorëheqjen, do kesh fundin e Alisë

Për

ish- kryeministrin Sali Berisha, protesta shënoi fundin e kakistokracisë. "Janë të mjerë, të braktisin sa më parë regjimin e kakistokracisë. Thirrja ime për policët e ndershëm është: Bashkohuni me popullin që po demonstron për gjërat më jetike, mos mbroni mbatharakun!", tha z. Berisha, i cili qëndroi gjatë gjithë kohës mes protestuesve. Sipas tij, Rama do të ketë të njëjtin fund me Ramiz Alinë. Madje sipas tij, Rama pas kësaj proteste nuk do të mund të kthehet më në Vlorë. "Edi Ramës i them se më 20 shkurt Ramiz Alia të mori me pizhama dhe të çoi në një bunker në Zall- Herr bashkë me bllokmenët e tjerë. Tani i them: Nuk ka kush të çon në bunker, jep dorëheqjen për të mos pësuar fatin e babait tënd shpirtëror, Enver Hoxhës!", theksoi z. Berisha.