Ambasada franceze, thirrje protestuesve: Shmangni vandalizmin

PD: Sa veta janë vrarë në protestat e Parisit?

Ambasada

e Francës në Tiranë u bëri dje thirrje pro testuesve që të shmangin provokimet dhe vandalizmit. Sipas saj, e drejta e qytetarëve për shprehjen e pakënaqësisë në një mënyrë paqësore është vlerë qendrore për demokracinë moderne evropiane. "Ambasada e Francës në Tiranë u bën thirrje protestuesve për qetësi dhe të evitojnë provokimet dhe aktet vandale. Sikundër e kemi shprehur bashkërisht me BE- në dhe vendet e tjera anëtare, e drejta e qytetarëve për të shprehur lirisht dhe në mënyrë paqësore pakënaqësinë e tyre është një vlerë kyçe për një demokraci europiane moderne. Dëmtimi i pasurisë publike dhe ushtrimi i dhunës janë të papranueshme. U bëjmë thirrje protestuesve të ndalin menjëherë dhunën dhe të privilegjojnë dialogun", thuhet në reagimin e ambasadës franceze. Por, nënkryetari i PD- së, Edmond Spaho, iu përgjigj indirekt deklaratës së ambasadës franceze në Tiranë, e cila bënte thirrje për të shmangur dhunën. Spaho kujton protestat e dhunshme të "jelekëverdhëve" në Paris, që detyruan presidentin francez, Macron të tërhiqte vendimin që sillte rritjen e çmimit të naftës. "Po në Francë përse kanë katër muaj që dëmtojnë pronën publike? A nuk ishte dhuna e protestuesve që detyroi Macronin të mos rrisë çmimin e karburantit si dhe të rrisë pagën minimale? Sa veta janë vrarë në protestat në Paris? Shqiptarët po protestojnë për shoqëri demokratike, zgjedhje të lira e të ndershme, parime të lindura nga revolucioni francez", - u shpreh z. Spaho.