Mediat ndërkombëtare: Dhunë në protestën e opozitës në Tiranë

Agjencitë ndërkombëtare të lajmeve i bëjnë jehonë protestës së opozitës "Mitingu i opozitës, kundër korrupsionit qeveritar"

Protesta e organizuar nga opozita para Kryeminis trisë ka gjetur një jehonë të gjerë edhe në mediat e njohura ndërkombëtare dhe ato të vendeve fqinje, që kanë një interes më të madh për zhvillimet në Shqipëri. Agjencitë ndërkombëtare të lajmeve e kanë përshkruar me nota realiste atë që ndodhi në 5 orë në bulevardin kryesor të Tiranës, ndërsa u janë referuar deklaratave të liderit të opozitës se policia i lejoi vetë protestuesit që të mësynin godinën e Kryeministrisë. "Euronews" bëri një pasqyrim në kohë reale të ngjarjeve, duke evidentuar sulmin ndaj selisë së Këshillit të Ministrave. "Protestuesit nisën të shkallmojnë dyert e zyrës së Kryeministrit të Shqipërisë në Tiranë. Kjo po ndodh gjatë protestës së opozitës kundër korrupsionit qeveritar", - shkruan "Euronews", që e transmetoi të gjithë tubimin ' online'. Ndërkohë që media amerikane "Washington Post" në versionin ' online' u ka kushtuar një artikull të gjatë ngjarjeve në Tiranë, ndërsa thekson faktin se mijëra qytetarë protestuan kundër qeverisë, të cilën e konsiderojnë të korruptuar. "Washington Post" shkroi se mijëra mbështetës të opozitës në Shqipëri janë përplasur me policinë në një protestë antiqeveritare, ndërsa kanë çarë kordonin e policisë duke tentuar të futen edhe në Kryeministri. Ndërsa "Reuters" shkruan se, "protestuesit, pasi hodhën bomba molotov, u përpoqën të thyejnë xhamat e Kryeministrisë, duke i goditur me mjete të forta". E njëjta agjenci raporton se oficerë të policisë u bënë thirrje protestuesve për t'u qetësuar. Media tjetër italiane "La Republica", gjithashtu e ka vënë theksin

tek dhuna e treguar në protestë dhe përpjekjet për t'u futur në Kryeministri. "Dhunë në protestën e opozitës në Tiranë. Mijëra persona kanë dalë në sheshin e kryeqytetit, duke protestuar kundër qeverisë së Edi Ramës, duke kërkuar dorëheqjen e kryeministrit. Protestuesit, të organizuar nga Partia Demokratike kanë thyer kordonin e policisë, duke kërkuar të futen në Kryeministri me dhunë", - shkroi "La Republica". Ndërkohë që media kryesore greke "Ta Nea" ka bërë një raportim të ftohtë të ngjarjeve që shoqëruan protestën e opozitës, teksa duke iu referuar fjalimeve të kryedemokratit Basha, thekson se policia i la vetë protestuesit që t'i afroheshin godinës për të

ushtruar dhunë. "Qindra protestues u përpoqën të sulmojnë rezidencën e kryeministrit pas thirrjes nga ana e opozitës për tërheqjen e kryeministrit socialist Edi Rama, i cili ka qenë në pushtet që nga viti 2013 dhe të akuzuar për korrupsion. Forca të shumta policie u vendosën rreth pallatit të qeverisë dhe përdori gaz lotsjellës, pompa uji dhe shkopinj për të sprap-

"EURONEWS"

"Protestuesit nisën të shkallmojnë dyert e zyrës së Kryeministrit të Shqipërisë në Tiranë. Kjo po ndodh gjatë protestës së opozitës kundër korrupsionit qeveritar", - shkruan "Euronews". sur demonstruesit e zemëruar. Në imazhet e transmetuara në mediat ndërkombëtare dhe shqiptare shohim shumë protestues të gjakosur, që shtrihen në tokë si dhe dy policisë të plagosur që u mjekuan në spitalin e kryeqytetit shqiptar. Herët në mëngjes, protestuesit thyen rrjetën e policisë dhe arritën të hyjnë në oborrin e rezidencës. Një grup prej rreth 100 njerëz filluan të lëshojnë gurë dhe tym kundër policisë duke thirrur ' Rama, ik'!. Gurët thyen dritaret e ndërtesës, ndërsa një grup protestuesish u përpoqën të sulmonin Pallatin, por u zmbrapsën nga oficerët e policisë", - shkruan "Ta Nea" në kronikën e vet për ngjarjen.