Ligji i ri për pronat prek edhe ndërtimet pa leje, ja kush kualifikohet
Zgjidhet ngërçi për mbivendosjet, legalizohet ai që deklaron i pari Përplasjet mes pronarëve, ankimimi në Apel
Projektligji për përfun dimin e proceseve kal imtare të pronësisë prek edhe ligjin për legalizimet. Personat që kanë ndërtuar pa leje, por janë në konflikt për të njëjtin ndërtim do të mund të marrin zgjidhje pas miratimit të draftit që është për diskutim në parlament. Në projektligj sanksionohet se do të marrë lejen e legalizimit për objektin personi që ka deklaruar i pari, ndërsa palët e tjera mund t'i drejtohen gjykatës. Në projektligj, në kreun III të tij parashikohen procedurat për ligjësimin e ndërtimeve dhe truallit pa titull pronësie. "Në të parashikohen kriteret e legalizimit të ndërtimeve pa leje, të përfshira në këtë proces sipas legjislacionit në fuqi ( evidentimi, kriteret, dokumentacioni i nevojshëm, afatet, kalimi i pronësisë). Dispozitat që i përkasin trajtimit të ndërtimeve pa leje në proces legalizimi parashikojnë gjithashtu edhe rastet kur subjekti posedon më shumë se një ndërtim pa leje, kompen- simin për pronarët joposedues, zgjidhjen e mosmarrëveshjeve për të drejtat mbi ndërtimin që legalizohet ( nëse gjatë procedurave të legalizimit konstatohet se për
NDËRTIMET QË PËRJASHTOHEN
Kreu III ka një dispozitë të dedikuar për trajtimin e banesave që përjashtohen nga legalizimi ( ndërtimet pa leje ( banesat) që përjashtohen nga legalizimi, sipas nenit 15, ku në pikën 1 të tij thuhet se, "ASHK- ja ( Agjencia Shtetërore e Kadastrës kryen procedurat e kualifikimit për legalizim të ndërtimeve pa leje, duke u bazuar në kriteret e moscenimit të: veprave kryesore të infrastrukturës publike, akseve rrugore kombëtare, territorit apo funksionalitetit të ndërtesave publike, integritetit të monumenteve të kulturës, territoreve të destinuara për investime strategjike, sipas ligjit nr. 55/ 2015, ' Për investimet strategjike në Republikën e Shqipërisë', vijës bregdetare, në kuptim të interesit publik në zhvillimin e turizmit". Në pikën dy është përcaktuar se ndërtimet pa leje, që cenojnë kriteret e mësipërme përjashtohen nga legalizimi. "Për objektet me shkelje të lejes së ndërtimit, kriteret e mësipërme sjellin përjashtimin nga legalizimi vetëm për sipërfaqet në tejkalim të lejes së ndërtimit, kur ato janë të ndashme nga ndërtimi kryesor ( ndërtimi me leje). Në rastin kur këto sipërfaqe nuk janë të ndashme, objektet me shkelje të lejes së ndërtimit legalizohen në tërësi. Procedurat, dokumentacioni dhe kushtet e kualifikimit për legalizim përcaktohen me vendim të Këshillit të Ministrave", - thuhet në projektligj.
SIPËRFAQET
Lidhur me objektet pa titull pronësie dhe oborret në përdorim, projektligji përmban dispozitat që përcaktojnë procedurat e pajisjes me titull dhe të regjistrimit të tyre. Në këtë kuadër, ASHK- ja miraton dokumentin e pronësisë për sipërfaqen e truallit funksional, që kalon në pronësi pa pagesë ( deri në 300 m2). Gjithashtu, parashikohet një rregullim i veçantë për rastin kur trualli funksional i objektit pa titull pronësie, apo oborri në përdorim rezulton në pronësi të të tretëve, duke u referuar te rregullat e parashikuara në nenin 21, të këtij ligji. Në këto raste poseduesi duhet të paguajë çmimin e truallit, sipas hartës së vlerës së pronës të miratuar me vendim të Këshillit të Ministrave.