Rama: Opozita goditi Shqipërinë në sytë e botës, u dha material skeptikëve
"Çfarëtrishtimipasqyraeshëmtisësëdjeshme ( pardjeshme)"
Kryeministri Edi Rama ka akuzuar opozitën e djathtë se me protestën e saj dhe me aktet e dhunës ndaj institucionit të Kryeministrisë dëmtoi mbi të gjitha imazhin e Shqipërisë në sytë e ndërkombëtarëve. Dhe për këtë ai i është referuar pikërisht pasqyrimit që media të njohura ndërkombëtare i bënë protestës së opozitës, në datë 16 shkurt në bulevardin "Dëshmorët e Kombit". Nëpërmjet një statusi në rrjetet sociale, kryeministri Rama thekson se protesta nuk i bëri dot asgjë qeverisë, por veçse goditi imazhin e vendit tonë në sytë e të huajve. Madje ai thekson se imazhet që përcollën mediat e huaja akteve të dhunës ndaj godinës së kryeministrisë mund të përbëjnë një shkas edhe për ato vende që skeptike ndaj hapjeve të negociatave dhe vijimit më tej të procesit të integrimit të Shqipërisë. "Çfarë trishtimi pasqyra e shëmtisë së djeshme nëpër mediat e dynjasë! Politika qorre e një opozite pa vizion, pa program, pa lidership, nuk i bëri asgjë dot qeverisë po goditi Shqipërinë në sytë e botës dhe u dha material të tërë atyre që duan sebepe kundër negociatave me BE # TURP", - shkroi Rama dje në "Twitter". Ndërkohë që media tradicionale dhe online i bënë një jehonë të gjerë protestës së ditës së shtunë në Tiranë, duke evidentuar dhunën ndaj institucionit të qeverisë. ' Euronews' i bëri një pasqyrim në kohë reale ngjarjeve duke evidentuar sulmin ndaj selisë së Këshillit të Ministrave. "Protestuesit nisën të shkallmojnë dyert e zyrës së Kryeministrit të Shqipërisë në Tiranë. Kjo po ndodh gjatë protestës së opozitës kundër korrupsionit qeveritar", - shkroi "Euronews" që e transmetoi të gjithë tubimin online. Ndërkohë që media amerikane "Washington Post" në versionin online i kushtoi një artikull të gjatë ngjarjeve në Tiranë, ndërsa thekson faktin se mijëra qytetarë protestuan kundër qeverisë të cilën e konsiderojnë të korruptuar. "Washington Post" shkroi se mijëra mbështetës të opozitës në Shqipëri u përplasën me policinë në një protestë antiqeveritare, ndërsa çanë kordonin e policisë duke tentuar të futen edhe në kryeministri. Ndërsa "Reuters" shkroi se "protestuesit, pasi hodhën bomba molotov u përpoqën të thyejnë xhamat e Kryeministrisë, duke i goditur me mjete të forta". Media tjetër italiane "La Republica", gjithashtu, e vuri theksin tek dhuna e treguar në
protestë dhe përpjekjet për t'u futur në Kryeministri. "Dhunë në protestën e opozitës në Tiranë. Mijëra persona kanë dalë në sheshin e kryeqytetit shqiptarë duke protestuar kundër qeverisë së Edi Ramës, duke kërkuar dorëheqjen e Kryeministrit. Protestuesit, të organizuar
nga Partia Demokratike, thyen kordonin e policisë duke kërkuar të futen në Kryeministri me dhunë", - shkroi ' La Republica'. Ndërsa "Vorriere della Sera", publikoi një shkrim të Alessio Vinccit, ish- korespondentit të CNN, ku e konsideronte protestën jo
PASQYRIMI
"Çfarë trishtimi pasqyra e shëmtisë së djeshme nëpër mediat e dynjasë! Politika qorre e një opozite pa vizion, pa program, pa lidership, nuk i bëri asgjë dot qeverisë po goditi Shqipërinë në sytë e botës dhe u dha material të tërë atyre që duan sebepe kundër negociatave me BE # TURP", - shkroi Rama
fryt i revoltës qytetare, por produkt i përplasjeve politike. Ndërkohë që media kryesore greke "Ta Nea", duke iu referuar fjalimeve të kryedemokratit Basha thekson se policia i la vetë protestuesit që t'i afroheshin godinës për të ushtruar dhunë.