Kosova festoi pavarësinë, 11 vite shtet
Thaçi: Shpallja e Pavarësisë institucionalizoi përpjekjet për liri Pompeo dhe politikanët shqiptarë urojnë kosovarët
Ditën e djeshme, me ak tivitete të ndryshme është shënuar 11- vjetori i Pavarësisë në Kosovë. Parakalimi i ushtrisë për herë të parë me mision ushtarak ishte e veçanta e këtij përvjetori. Ngritja e flamurit shtetëror të Kosovës që në mëngjes ka shënuar nisjen e aktiviteteve për nder të 11- vjetorit të Pavarësisë së Kosovës. E veçanta e këtij përvjetori ishte parakalimi i ushtrisë së Kosovës për herë të parë me mision ushtarak. Kujtojmë pak nga historiku i këtij vendi se zanafilla e kësaj dite vjen ka çështja e qytetit të ndarë të Mitrovicës si dhe provokimet e qarqeve ekstremiste serbe të cilat sollën protesta të dhunshme në vitet 1999 dhe 2000. Ato shkaktuan trazirat e marsit 2004, të cilat dëmtuan imazhin ndërkombëtar të Kosovës. Formimi i enklavave serbe në mes të Kosovës dhe përqendrimi serb në veri vazhdonte të pengonte kthimin e të zhvendosurve, shqiptarë dhe serbë. Bisedimet për statusin final të Kosovës ndërmjet Prishtinës dhe Beogradit rezultuan pa marrëveshje. Kompromisi i ofruar nga pala kosovare parashihte Kosovën si shtet të pavarur shumetnik, si pikë në mes të bashkimit me Shqipërinë ose mbetjen nën Serbi, kurse pala serbe propozoi disa versione të ndryshme për autonomi. Kombet e Bashkuara, në ndërkohë, dërguan përfaqësues të tyre ish- kryetarin finlandez Martti Ahtisaari, i cili nxori më 2007 Planin Gjithëpërfshirës, ku parashihej pavarësi e mbikëqyrur me të drejta të zgjeruara për pakicat, sidomos serbët. Në bazë të këtij plani dhe duke u thirrur në Rezolutën 1244, Kuvendi i Kosovës shpalli pavarësinë më 17 shkurt 2008. Kostarika dhe Afganistani ishin vendet e para që e njohën pavarësinë e Kosovës, të përcjella nga Shqipëria, SHBA- të, Britania, Gjermania dhe Franca. Kushtetuta e Republikës u miratua më 9 prill 2008 dhe hyri në fuqi më 15 qershor 2008, kur edhe u bë transferimi i plotë i kompetencave prej UNMIKut në institucionet vendore. Gjithashtu, u nënshkrua më 9 shkurt 2008 marrëveshja me Bashkimin Evropian, EULEX, si dhe u parapa themelimi i Zyrës Civile Ndërkombëtare. Ditën e djeshme presidenti Hashim Thaçi tha se pas 11 vjetësh të Pavarësisë, kemi një ushtri multietnike në shërbim të qytetarëve të Kosovës. Në ceremoni përveç krerëve shtetërorë të Kosovës mori pjesë edhe kryeministri i Shqipërisë Edi Rama. Para ceremonisë nuk u vërejt ndonjë shtrëngim duarsh ndërmjet Kryeministrit shqiptar dhe atij kosovar. Qeveria paradite mbajti mbledhje solemne për të vazhduar më pas edhe senca solemne e Kuvendit të Kosovës. Për 11- vjetorin e Pavarë- sisë popullin e Kosovës e kanë uruar krerët e vendeve të ndryshme të botës dhe ambasadorët e akredituar në Kosovës. Liderët institucionalë kanë vendosur kurora lulesh te shtatorja e ish- Presidentit Ibrahim Rugova. Homazhe janë bërë edhe në kompleksin memorial "Adem Jashari" në Prekaz. Edhe pse ishin bashkë në homazhe, Presidenti Thaçi e kryeministri Haradinaj u ndanë për pak çaste ku ky i fundit vizitoi kullën e Jasharajve. Në kuadër të kësaj dite, në shtatë qendra të Kosovës është nisur Deklarata e Pavarësisë. Një e tillë është vendosur edhe në sheshin "Nënë Tereza" në Prishtinë. Nisja e Deklaratës së Pavarësisë në qendrat e Kosovës u bë nga Garda Ceremoniale. Deklarata e Pavarësisë është nisur për në qytetin e Mitrovicës, Gjakovës, Prizrenit, Gjilanit, Pejës dhe Ferizajt. Presidenti i Kosovës, Hashim Thaçi, ka thënë se shpallja e Pavarësisë së Kosovës para njëmbëdhjetë vjetëve ishte akti historik më sublim që institucionalizoi përpjekjet për liri. Thaçi, përmes një postimi në ' Facebook', ka thënë se për këto arritje janë të gjithë qytetarët kontribues. "Shpallja e Pavarësisë së Kosovës para njëmbëdhjetë vjetëve ishte akti historik më sublim që institucionalizoi përpjekjet tona për liri. Për këtë të arritur të gjithë qytetarët tanë janë meritorë. I falënderojmë të gjithë miqtë tanë, në krye me Shtetet e Bashkuara të Amerikës, që kontribuan për lirinë dhe pavarësinë e Kosovës. U jemi mirënjohës përjetë! HTH", ka shkruar Thaçi. Ndërkaq sekretari amerikan i shtetit, Mike Pompeo, i ka uruar të gjithë qytetarët e Kosovës për përvjetorin e 11- të të pavarësisë së vendit, ndërsa bëhet i dyti zyrtar i lartë amerikan që flet qartë për njohjen reciproke të Kosovës nga Serbia, pas presidentit të SHBA- ve Donald Trump. "Normalizimi gjithëpërfshirës i marrëdhënieve me Serbinë, me njohjen reciproke si pjesë qendrore të tyre, do të jetë proces jetik për suksesin e Kosovës", thotë Pompeo. Në letrën e publikuar në faqen zyrtare të Departamentit të Shtetit thuhet se SHBA- ja mbetet e përkushtuar për ta ndihmuar Kosovën në të ardhmen për më shumë prosperitet, siguri dhe stabilitet. "Në emër të qeverisë së Shteteve të Bashkuara dhe të popullit amerikan, e uroj Kosovën për përvjetorin e njëmbëdhjetë të shtetin të pavarur dhe sovran. Shtetet e Bashkuara mbesin të përkushtuara për ta ndihmuar Kosovën që t'i hapë dyert drejt së ardhmes me më shumë prosperitet, siguri dhe stabilitet në dekadën e dytë të pavarësisë. Normalizimi gjithëpërfshirës i marrëdhënieve me
Serbinë, me njohjen reciproke si pjesë qendrore të tyre, do të jetë proces jetik për suksesin e Kosovës. Arritja e këtij vizioni kërkon zhvillime të vazhdueshme për t'i forcuar institucionet tuaja demokratike. Ne dëshirojmë ta vazhdojmë ndërtimin e partneritetit tonë dypalësh, të mbështetur në vlera dhe prioritete të
përbashkëta, duke e ndihmuar Kosovën për ta shtruar rrugën e saj drejt integrimit të mëtejshëm në Evropë. Shtetet e Bashkuara e çmojnë lidhjen e fortë mes popujve tanë dhe do t'i mbështesin hapat e atyre që punojnë për ta nxjerrë në pah potencialin e madh të Kosovës",- shkruhet në urimin e Pompeos.