Urimet e politikanëve shqiptarë:
ILIR META
Presidenti i Republikës Ilir Meta ka publikuar dje dy foto nga zyra e Kongresmenit amerikan Eliot Engel duke e cilësuar si një kujtim të paharrueshëm. Në foto Meta, shihet teksa sodit një kopje të Deklaratës së Pavarësisë së Kosovës në zyrën e kryetarit të Komisionit për Politikën e Jashtme në Kongresin Amerikan Eliot Engel. Duket se këtë foto Presidenti Meta e ka zgjedhur enkas dje në përvjetorin e Pavarësisë së Kosovës si një mesazh të qartë. "Një kujtim i paharrueshëm nga zyra e kongresmenit Eliot Engel",- shkruan kreu i shtetit në "Facebook".
EDI RAMA
Kryeministri Edi Rama e ka nisur ditën dje me një urim për Kosovën në 11- vjetorin e Pavarësisë. Ai ka zgjedhur një foto të flamurit kuqezi bashkangjitur flamurit të Kosovës, si një mesazh të qartë të urimit të tij. "MIRËMËNGJES dhe me urimin për ditëlindjen e shtetit të Kosovës, ju dëshiroj një të diel të bukur të gjithëve",- shkruan Rama.
Lulzim Basha:
"Dje në përvjetorin e 11 të Pavarësisë së Kosovës, arritjes së dytë më të madhe kombëtare të historisë së shqiptarëve, ju dërgoj një urim të përzemërt vëllezërve dhe motrave tona në Kosovë. Së bashku me urimin dje është dita për të kujtuar me krenari dhe mirënjohje të thellë kombëtare të gjithë ata që për dekada kanë punuar dhe sakrifikuar për këtë arritje. Le të shërbejë ky kontribut si amanet i madh për të gjithë ne dje, që me vendosmëri, përkushtim dhe qartësi strategjike, të vazhdojmë rrugëtimin e përbashkët në mbrojtje dhe fuqizim të pavarësisë, sovranitetit dhe vlerave e të ardhmes euroatlantike të Kosovës si interesi më i lartë kombëtar i shqiptarëve në Ballkan", shkruan Basha.
MONIKA KRYEMADHI
"Urime Kosovë! Teksa hyn në dekadën e dytë të pavarësisë e sovranitetit. Në këtë ditë të pavarësisë është detyrë e të gjithëve ne, lartësimi i figurave dhe luftëtarëve që kontribuuan dhe sakrifikuan edhe jetën për realizimin e këtij misioni epokal për Kosovën. Vlerësimet më të larta për qytetarët e Kosovës që të gjithë së bashku me të zgjedhurit e tyre konsolidojnë çdo ditë shtetin e lindur me aq mund. E ardhmja euroatlantike e Kosovës është një rrugë dhe aspiratë pa kthim dhe ne të gjithë do të jemi në krah të saj për përmbushjen e kësaj ëndrre të vëllezërve e motrave tona në Kosovë. Ta gëzosh përjetë këtë ditë të madhe Kosovë!", shkruan Kryemadhi.
DITMIR BUSHATI
Ish- ministri për Evropën dhe Punët e Jashtme Ditmir Bushati ka uruar 11- vjetorin e Pavarësisë së Kosovës nëpërmjet një statusi në "Facebook". Bushati thotë se Kosova shtet është produkt i sakrificës për liri, por edhe rendit ndërkombëtar. "Gëzuar ditën e pavarësisë Kosovë! Kosova shtet është produkt i sakrificës për liri dhe rendit ndërkombëtar të bazuar mbi respektin për të drejtat e njeriut. # Mirënjohje", shkruan Bushati.
PANDELI MAJKO
"Gëzuar përvjetorin e pavarësisë Kosovë…", shkruan Majko, ndërsa në foton e Jasharit shkruhet "Të gjithë dhanë diçka, por dikush i dha të gjitha", ka shkruar Majko.