Dorëzimi i mandateve, Nishani: Sakrificë e Bashës dhe opozitës

Vendimin

e PD- së për djegien e mandateve, ishpresidenti Bujar Nishani, aktualisht kryetari i Këshillit Kombëtar të PD- së, e quan një akt historik në shërbim të një triumfi për kthimin e Shqipërisë në një rrugëtim normaliteti dhe për nisjen e një projekti të madh të një Shqipërie ndryshe. Nishani thekson se, "kjo sakrificë politike e opozitës dhe Lulëzim Bashës është shërbimi më i përunjur ndaj nevojës madhore të shqiptarëve për shpëtim". "Dorëzimi i mandateve parlamentare nga opozita është një akt historik në shërbim të një triumfi për kthimin e Shqipërisë në një rrugëtim normaliteti, për nisjen e një projekti të madh të një Shqipërie ndryshe. Ky akt i demonstrimit të përgjegjshmërisë më sipërore civile shënon marrjen në dorë dhe udhëheqjen prej opozitës të një lëvizjeje madhore qytetare të rëndësisë dhe përmasave të lëvizjes së vitit 1990, por sot me mjete dhe akte më të ndryshme", deklaroi z. Nishani.