Aktivitet për lidershipin nga instituti "McCain" dhe universiteti "Luarasi"
Dervishi: Të trajnojmë të rinjtë mbi vlerat. Spaho: Eksperiencë e vlefshme Sybe Schaap: Anëtarësimi në BE, proces i vështirë për Shqipërinë
Në kuadër të pro gramit "Lidershipi i udhëhequr nga karakteri", instituti ' McCain', dhe universiteti "Luarasi" në bashkëpunim me ambasadën holandeze në Tiranë kanë zhvilluar aktivitetin e parë networking. Në këtë takim përveç grupit të parë të studentëve të trajnuar, ishin të pranishëm edhe përfaqësues të ambasadës holandeze, personalitete lokale si dhe senatori holandez Sybe Schaap.
SYNIMI I PROGRAMIT
Anëtari i institutit ' McCain' Dael Dervishi, tregon se ky program synon trajnimin e të rinjve shqiptarë bazuar në vlera, etikë dhe lidership. "Ky program ka filluar të zbatohet në disa vite të botës duke filluar nga viti i kaluar. Ideja e programit është nga instituti ' McCain' dhe universitetit shtetëror të arizonës, kurse lokalisht zbatohet nga universiteti ' Luarasi' dhe fondacioni ' Optimo'. Qëllimi i programit është të identifikojë dhe trajnojë të rinj nga universitete të ndryshme të Shqipërisë në vlera, etikë dhe lidership e po ashtu t'i frymëzojë këta të rinj që të angazhohen në komunitet për të dhënë kontributin e tyre për të përmirësuar pak a shumë komunitetin ku jetojnë apo interesin publik",thotë Dervishi. Ai shton se studentët kanë sjellë projekte shumë interesante për përmirësimin e jetës në komunitet. "Ka ide shumë interesante nga studentët, madje mund të them që këto ide, që ne i quajmë të lidershipit, janë një nga kriteret përzgjedhëse përveçse rezultatet shumë të larta akademike. Sa e vështirë është të jesh lider në Shqipëri? Që të formosh një lider, gjëja e parë është ta bësh të kuptojë që të udhëhiqet nga vlerat, etika dhe karakteri. Lider nuk është ai i pari në rresht që vetëm rreh gjoksin, por i fundit, i padukshëm dhe që shtyn grupin të eci përpara",- shprehet anëtari i McCain Institute.
ANËTARËSIMI NË BE
Politikani holandez Sybe Schaap u shpjegoi të rinjve mënyrat që duhet të ndjekin për t'u bërë liderë. Për sa i përket anëtarësimit të Shqipërisë në BE, senatori e shikon si një proces të vështirë. Ai këshillon për sh-
qiptarët që t'i realizojnë vetë detyrat kryesore dhe të mos jenë pasivë. "Prisja një stil të vjetër komunist në kul- "Mendoj që është shumë e rëndësishme t'i përgatisim të rinjtë për lidershipin dhe besoj se të rinjtë shqiptarë mund ta arrijnë këtë. Anëtarësimi në BE, është një rrugë e vështirë për Shqipërinë, sepse fillimisht duhet të jeni një vend kandidat për në BE. Detyrat që duhet të zhvilloni duhet të realizohen nga vetë ju, mos qëndroni pasivë, jini krenarë për vendin tuaj në mënyrë që të shiheni si të barabartë nga shtetet e tjera. Unë jam optimist për ju",- thotë Sybe Schaap.
turën e njerëzve, por kur i takova asgjë nuk më ngjasoi me komunizmin. Mendoj që është shumë e rëndë- sishme t'i përgatisim të rinjtë për lidershipin dhe besoj se të rinj shqiptarë mund ta arrijnë këtë. Anëtarësimi në BE, është një rrugë e vështirë për Shqipërinë, sepse fillimisht duhet të jeni një vend kandidat për në BE. Detyrat që duhet të zhvilloni duhet të realizohen nga vetë ju, mos qëndroni pasivë, jini krenarë për vendin tuaj në mënyrë që të shiheni si të barabartë nga shtetet e tjera. Unë jam optimist për ju",- thotë Sybe Schaap.
EKSPERIENCA
Dekani i Fakultetit Ekonomik në këtë universitet, Mateo Spaho thotë se rinia shqiptare mund të jetë e krahasueshme me atë të vendeve të tjera. Ai thekson se eksperienca të tilla janë tejet të vlefshme për studentët e vendit tonë. "Kemi një të ftuar shumë të rëndësishëm, Schaap është një politikan holandez, përfaqësues për partinë për liri dhe demokraci. Vetë emri tregon aspiratat ose qëndrimin që partia e tij ka në Holandë dhe në vendet e ulëta. Universiteti "Luarasi mbështet projekte të tilla bashkë me fondacionin ' McCain', për të përhapur vlerat e lirisë, demokracisë, shtetit të së drejtës dhe pikërisht zoti Schaap ka ardhur këtu për t'ju dëshmuar të rinjve ato që janë vlerat më të rëndësishme dhe si perceptohet politika. Ne kemi dhe një vend si Holanda që ka dyshimet e veta për integrimin e Shqipërisë në BE, ndaj do na shpjegojë dhe arsyet përse",- thekson Spaho. Ky i fundit bën me dije se universiteti "Luarasi" mbështet të rinjtë shqiptarë dhe përpiqet të sjellë modelet më të mira te studentët. "Universiteti "Luarasi" nga krahu tjetër mbështet të rinjtë shqiptarë dhe ne kemi fatin të kemi të rinj sot që kërkojnë të arsim të lartë të mirë, cilësor dhe të krahasueshëm me vendet e tjera të BE- së. Edhe për këtë arsye kemi ftuar zotin Schaap të përçojë frymën evropiane pikërisht, sepse kemi një rini evropiane, e ardhmja e vendit dhe për herë të parë mund të themi se kjo rini mund të jetë e krahasueshme me rininë e vendeve të tjera, qoftë në përgatitje, aspirata, mendësi e kulturë. Mendoj se këto shkëmbime siç është vizita e zotit Schaap do t'i ndihmojnë shumë për të kuptuar çfarë mendon Europa për ne dhe çfarë kërkon ajo nga ne; për të kuptuar edhe se si bëhet politika, për të kuptuar se cilat janë modelet pozitive që duhet të ndjekim",- shprehet dekani i ekonomikut në "Luarasi". Organizimi i këtyre takimeve ka si qëllim ekspozimin e liderëve të rinj shqiptare ndaj personaliteteve të ndryshme lokalë dhe ndërkombëtarë.