"Trafiqe e tregime nga ' Albanistani'", "Corriere della Sera" shpërthen ndaj Shqipërisë
Media italiane: "Narkoshteti" josh djemtë e rinj të kthehen në kriminelë "Me 200 mijë euro mund të fitohet pandëshkueshmëria e përjetshme"
Ditën e djeshme, një nga gazetat italiane ka botuar një artikull, ku ka folur me nota tepër të ashpra për Shqipërinë. "Trafiqe dhe tregime nga ' Albanistani'" është titulluar artikulli i botuar nga "Corriere della Sera", ku trajtohen lidhjet e Shqipërisë me drogën, nivelin e lartë të korrupsionit, pagat e ulëta të policëve dhe grupet kriminale shqiptare, që veprojnë nga Europa deri në SHBA. Në artikullin e Andrea Galli- t, i cili është botuar edhe në faqen e parë të numrit të djeshëm të gazetës, flitet për "narkoshtetin", një term i përdorur gjerësisht nga opozita shqiptare. "Përkufizimi i ' narkoshtetit' ka në themel të tij rregullimet e hesapeve, tonelatat e drogës, krimet e eksponentëve shtetërorë të kamufluar si aksidente rrugore, djemtë që joshen nga kriminelët dhe transformohen në vrasës, lidhje mes politikanëve dhe narkotrafikantëve shqiptarë, e cila nuk mbetet më vetëm në kuadër të prodhimit të marijuanës, por është futur edhe në kanalet ndërkombëtare të kokainës, në aleancë me ' Ndrangheta'- n dhe klanet amerikano- jugore". Artikulli në "Corriere della Sera" flet edhe për "rregullin e parave", sipas të cilit niveli i korrupsionit është aq i lartë, duke u kthyer në kulturë për shqiptarët. "Një zakon i përhapur aq shumë, saqë kur një qytetar ndalohet nga policia për një kontroll rutinë, bën gati paratë. Kurrë nuk i dihet, edhe pse nuk ka kryer asnjë krim. Një polic fiton me- satarisht 300 euro në muaj. Ndikimi i partive nuk ka të ngjashëm në Europë. Me ndryshimin e pushtetit, ndërrohen edhe ' kolltukët', të rëndësishëm ose jo. Policët e thjeshtë mund të transferohen nga një anë e vendit në tjetrën. Ato paga mjerane nuk u lejojnë të blejnë një makinë, ndërsa mjetet e transportit publik janë të vjetruar, e kështu ndodh shpesh që t'i gjesh policët duke bërë autostop…", thuhet ndër të tjera. Media italiane "Corriere della Sera" shkruan ndër të tjera për fenomenin e prodhimit të drogës në Shqipëri dhe për atentatin e së dielës në qytetin e Vlorës, ku dy persona mbetën të vdekur dhe një tjetër u plagos. Artikulli i titulluar "Trafiqe dhe tregime nga ' Albanistani'", i gazetarit Andrea Galli flet për krijimin e një narko- shteti, term ky që është përdorur gjerësisht nga opozita shqiptare kundrejt qeverisë në çdo betejë parlamentare e studio televizive. Analiza e gazetarit të medias italiane zbërthen të gjithë domethënien e termit "narkoshtet", i cili në thelb ka rregullimin e hesapeve, telefonatat mbi drogën si dhe lidhjet e trafikantëve me politikanë. "Përkufizimi i ' narkoshtetit' ka në themel të tij rregullimet e hesapeve, tonelatat e drogës, krimet e eksponentëve shtetërorë të kamufluar si aksidente rrugore, djemtë që joshen nga kriminelët dhe transformohen në vrasës, lidhje mes politikanëve dhe narkotrafikantëve shqiptarë, e cila nuk mbetet më vetëm në kuadër të prodhimit të marijuanës, por është futur edhe në kanalet ndërkombëtare të ko- kainës, në aleancë me ' Ndrangheta'- n dhe klanet amerikano- jugore", thuhet në artikull. Duke listuar një sërë problemesh në Shqipëri, media italiane ndalet edhe tek aferat korruptive. Artikulli shkruan edhe për "djemtë e dhunshëm" që bëjnë pjesë në klane të ndryshme mafioze, të cilët duke u marrë me trafikimin e lëndëve narkotike, sigurojnë shuma të mëdha parash dhe kontrollojnë tregun e hashashit në Europë dhe të kokainës nga Amerika e Jugut, Holandë dhe së fundmi në Londër. Sipas artikullit, "Globalizmi" ka ngritur në një shkallë superiore teknikën për prodhimin dhe shpërndarjen e lëndëve narkotike dhe kjo i bën ata ( klanet shqiptare) të "paprekshme". "Në një vend ku spikat patriotizmi, me një ndjenjë të rrallë mikpritjeje dhe me një natyrë të mrekullueshme, jetojnë të lirë dhjetëra të kërkuar, të dënuar në Itali por jo të arrestuar. Artikulli në fund flet për grupet kriminale shqiptare, që ndodhen në të gjithë Europën dhe në Amerikë, si në Nju Jork, Londër dhe Roterdam, grupe të cilat kontrollojnë trafikun e hashashit dhe kokainës. "Në një vend ku spikat patriotizmi, me një ndjenjë të rrallë mikpritjeje dhe me një natyrë të mrekullueshme, jetojnë të lirë dhjetëra të kërkuar, të dënuar në Itali, por jo të arrestuar. Me 200 mijë euro mund të fitohet pandëshkueshmëria e përjetshme". Këto klane sipas gazetarit italian mbajnë peng një vend të mrekullueshëm dhe mikpritës si Shqipëria.