Marrëveshja e Brexit, May kërkon mbështetjen e deputetëve
Britani e Madhe, japin dorëheqjen 7 deputetë nga Partia Laburiste Pritet dalja nga BE në 29 mars, kryeministrja pret konsensus
Pas gjithë përpjekjeve për marrëveshjen e Brexit, kryeministrja e Britanisë së Madhe, Theresa May, u ka bërë thirrje ligjvënësve konservatorë që të lënë mënjanë "preferencat personale" dhe të mbështesin atë në parlamentin britanik. May u është drejtuar me një letër deputetëve britanikë, ku ka thënë se "Historia do të na gjykojë të gjithë ne" lidhur me atë se si është trajtuar Brexiti, apo largimi i Britanisë së Madhe nga Bashkimi Evropian. "Dështimi për të arritur kompromiset e nevojshme që marrëveshja për largim të kalojë përmes parlamentit në mënyrë që të respektohet rezultati i referendumit, rrezikon të ardhmen e ndritur që të gjithë e meritojmë", ka shkruar në letër May. Kryeministrja May përballet me kundërshtimin e vazhdueshëm lidhur me mënyrën se si e ka udhëhequr procesin e daljes nga BE- ja nga edhe nga deputetët e partisë së saj. Kryeministrja britanike javën e ardhshme do të takohet me zyrtarë të lartë të BE- së, me qëllim që t'i bindë ata të ndryshojnë disa pjesë të marrëveshjes së Brexitit. Britania duhet të dalë nga BE- ja më 29 mars. Por, May nuk ka qenë në gjendje që të sigurojë mbështetën e shumicës së deputetëve për të votuar marrëveshjen për largim, të cilën ajo e arriti me BEnë vitin e kaluar. Ndërkaq një grup prej shtatë deputetësh kanë dhënë dorëheqje nga Partia Laburiste e Britanisë dhe tani do të qëndrojnë në parlament si ligjvënës të pavarur. Vendimi për t'u larguar nga partia opozitare u njoftua mëngjesin e djeshëm në një konferencë për media nga deputetët e dorëhequr, Chuka Umunna, Luciana Berger, Chris Leslie, Angela Smith, Mike Gapes, Gavin Shuker dhe Ann Coffey. Berger tha se Partia Laburiste ishte bërë "institucionalisht antisemitiste", duke shtuar se ajo ndjehet "e turpëruar" me qëndrimin në parti. Leslie, nga ana e tij, tha se partia ishte "plaçkitur nga politikat makinerike të të majtës së ashpër". Ai më tej pohoi se do të ishte "papërgjegjshmëri" që të lejohet udhëheqësi i partisë, Jeremy Corbyn, të bëhet kryeministër, duke akuzuar udhëheqjen e Partisë Laburiste për aderimin e një "ideologjie të ngushtë dhe të vjetruar". "Për ta, bota ndahet midis shtypësve dhe armiqve klasor, kur në të vërtetë bota moderne është më e ndërlikuar se kjo", tha Leslie. Duke përsëritur fjalët e Leslie- t, Shuker tha se grupi i ri i pavarur "nuk mendon se çdo problem në botë është krijuar nga Perëndimi". Shuker po ashtu tha se partitë politike të vendit ishin "të thyera" dhe se kishte "një mungesë të plotë të lidershipit" kur vendi më së shumti kishte nevojë. "Partia Laburiste i ka kthyer shpinën publikut britanik, shpresave dhe ambicieve të tyre",- shtoi ai. Ndërkohë, Gapes tha se ishte "i zemëruar dhe i sëmurë" nga anti- semitizmi i dyshuar brenda partisë dhe se udhëheqja e laburistëve po lehtësonte largimin e Mbretërisë së Bashkuar nga Bashkimi Evropian ( BE). "Jeremy Corbyn dhe ata përreth tij janë në anën e gabuar për shumë çështje ndërkombëtare, nga Rusia në Siri deri në Venezuelë",- tha Gapes. Umunna, një nga shtatë deputetët që dhanë
THERESA MAY
"Dështimi për të arritur kompromiset e nevojshme që marrëveshja për largim të kalojë përmes parlamentit në mënyrë që të respektohet rezultati i referendumit, rrezikon të ardhmen e ndritur që të gjithë e meritojmë",- ka shkruar në letër May.
dorëheqje, tha se, "Politika është prishur. Nuk duhet të jetë në këtë mënyrë. Le ta ndryshojmë atë". Duke reaguar ndaj dorëheqjeve, Corbyn tha se ishte i zhgënjyer që deputetët e larguar ishin ndier të paaftë për të vazhduar punën për politikat që ishin "frymëzuar miliona" gjatë zgjedhjeve të vitit 2017. Rryma e dorëheqjeve sjell numrin e përgjithshëm të vendeve të mbajtura nga partia kryesore opozitare deri në 249 nga 256, me këtë duke rritur numrin e përgjithshëm të deputetëve të pavarur në parlament në 15.