Djegia e mandateve, Ambasada e SHBA: Refuzoni thirrjet për dorëheqje
BE, Soreca: Jo bojkot dhe djegie mandatesh, opozita të kthehet në Kuvend "Kërcënimet minojnë parimet e demokracisë"
Ambasada e SHBA- ve reagoi dje fort ndaj vendimit të opozitës për djegien e mandateve në parlament. Sipas ambasadës amerikane, largimi nga Kuvendi minon parimet bazë të demokracisë. Vendimi i opozitës, siç thuhet në reagimin e ambasadës, minon parimet bazë të demokracisë. Po ashtu, theksohet se ky vendim saboton përparimin e rëndësishëm që Shqipëria ka arritur në zbatimin e ligjit dhe qeverisjen e përgjegjshme. Ambasada u bën thirrje deputetëve të heqin dorë nga ky vendim, pasi zhgënjehen njerëzit, të cilët i kanë zgjedhur për t'i përfaqësuar. Qëndrimi i ambasadës u paraqit nëpërmjet një statusi në "Facebook". "Një demokraci e shëndetshme kërkon një opozitë që funksionon në mënyrë konstruktive brenda institucioneve kushtetuese. Kërcënimet nga Partia Demokratike, Lëvizja Socialiste për Integrim dhe parti të tjera opozitare për të braktisur mandatet e tyre në parlament minojnë parimet bazë të demokracisë dhe sabotojnë përparimin e rëndësishëm, që Shqipëria ka arritur në zbatimin e ligjit dhe qeverisjen e përgjegjshme. Shtetet e Bashkuara u bëjnë thirrje të gjithë deputetëve të ngrihen mbi sherret politike, të refuzojnë thirrjet për të braktisur mandatet e tyre dhe të mbrojnë idealet dhe parimet që janë me rëndësi thelbësore për çdo demokraci të fortë. Nëse dështoni të bëni punën tuaj, do të zhgënjeni njerëzit, të cilëve keni privilegjin t'u shërbeni", thuhet në reagimin e ambasadës së SHBA- ve në Tiranë. Pas Brukselit, reagoi në Tiranë edhe ambasadori i Bashkimit Europian, Luigi Soreca, kundër bojkotit dhe lënies së mandateve nga opozita shqiptare. Soreca shprehet për "Top Channel" se kjo nuk çon në drejtimin e duhur dhe është kundër interesit të qytetarëve. Bashkimi Europian kërkon që mazhoranca dhe opozita të dialogojnë për të ulur tensionin. "Parlamenti është baza e çdo demokracie europiane. Ai është vendi ku duhet të diskutohen dhe të çohen përpara debatet mbi reformat dhe zhvillimet përkatëse. Parlamenti nuk duhet bojkotuar. Dëgjuam njoftimin nga partitë opozitare, që deputetët individualë
THIRRJA
"Shtetet e Bashkuara u bëjnë thirrje të gjithë deputetëve të ngrihen mbi sherret politike, të refuzojnë thirrjet për të braktisur mandatet e tyre dhe të mbrojnë idealet dhe parimet që janë me rëndësi thelbësore për çdo demokraci të fortë. Nëse dështoni të bëni punën tuaj, do të zhgënjeni njerëzit, të cilëve keni privilegjin t'u shërbeni", thuhet në reagimin e ambasadës së SHBA- ve.