Ruçi anulon mbajtjen e seancës: Djegia e mandateve akt kamikaz
Vendimi pas lajmërimit të policisë se në protestën e sotme mund të sulmohet Kuvendi "Të reflektojmë dhe të bëhemi më të matur dhe bashkëpunues"
Nisur nga informacio net e policisë dhe shërbimeve inteligjente se protesta e sotme e opozitës mund të shoqërohet me akte dhune, kryetari i Kuvendit Gramoz Ruçi ka anuluar mbajtjen e seancës së sotme plenare. Në një dalje të posaçme për mediat dje pasdite, kryeparlamentari duke iu referuar situatës së ngarkuar politike dhe paralajmërimit të institucioneve të sigurisë bëri të ditur se për të shmangur incidentet dhe ndonjë sulm të mundshëm ndaj institucionit të Kuvendit, kishte marrë vendimin për moszhvillimin e seancës plenare të parashikuar të niste sot në orën 10: 00. "Duke pasur parasysh apelin e partnerëve tanë strategjikë, duke pasur parasysh informacionet e organeve ligjzbatuese dhe të inteligjencës, duke ndjekur qëllimin më të lartë të ruajtjes së integritetit të Kuvendit të Shqipërisë, të deputetëve dhe të sallës së Kuvendit, Ftoj kolegët deputetë, anëtarë të të gjithë grupeve parlamentare, të mirëkuptojnë vendimin tim për të mos zhvilluar seancën plenare të ditës së enjte, datë 21 shkurt", - bëri të ditur Ruçi. Ai theksoi se kjo ishte një nga mënyrat për të evituar çdo mundësi që elementë të veçantë të përfitojnë nga protesta e opozitës për të goditur apo sulmuar Kuvendin gjatë kohës që deputetët do të ishin në sallë. "Përgjegjësia ime si Kryetar i Kuvendit, si një institucion mbi palët, por edhe si qytetar i këtij vendi, nuk më lejon t'u japë mundësi keqbërësve, të cilët mund të përfitojnë nga kultura dhe dinjiteti i qytetarëve e de- putetëve protestues, për të sulmuar institucionet e shtetit dhe për të nxirë imazhin e Shqipërisë", - theksoi më tej Ruçi. Ai, gjithashtu, kërkoi që ky pushim i Kuvendit t'i shërbejë politikës që të bëhet më e matur dhe të reflektojë për të gjetur zgjidhjet e duhur në interes të shqiptarëve. "Le të shërbejnë këto ditë për të na ndihmuar të reflektojmë dhe të bëhemi më të matur, më bashkëpunues, duke i vendosur platformat, ambici- et dhe objektivat tona politike dhe elektorale në shërbim të të gjithë shqiptarëve", - deklaroi kryetari i Kuvendit. Më tej duke komentuar zhvillimet e ditëve të fundit dhe në mënyrë të veçantë vendimin e opozitës për të dorëzuar mandatet e deputetëve, Ruçi theksoi se nuk e kishte menduar kurrë një vendim të tillë të cilin ai nuk nguroi ta konsideroi si vetëvrasës për opozitën. "Si kryetar i Kuvendit e jo si deputet apo si pjesë
MANDATET
"Si kryetar i Kuvendit e jo si deputet apo si pjesë e lidershipit politik të shumicës qeverisëse, jam seriozisht i shqetësuar për këtë situatë. Nuk do ta doja kurrë realizimin e skenarit të paralajmëruar nga vetë opozita, për të ashtuquajturën djegie mandatesh, sepse një opozitë që vetëvritet politikisht i bën vendit një dëm të madh"
e lidershipit politik të shumicës qeverisëse, jam seriozisht i shqetësuar për këtë situatë. Nuk do ta doja kurrë realizimin e skenarit të paralajmëruar nga vetë opozita, për të ashtuquajturën djegie mandatesh, sepse një opozitë që vetëvritet politikisht i bën vendit një dëm të madh. Një skenar i tillë, i padëgjuar, në dijeninë time, në asnjë rast të historisë së parlamentarizmit, është një lloj kamikazllëku politik që hedh në erë të zotët e punës, por dëmton padyshim rëndë të tërë mjedisin tonë, si edhe raportet e të tjerëve me këtë mjedis", - tha Ruçi. Gjithsesi ai u shpreh se mazhorancës nuk mund t'i vendosen ultimatume dhe se është përgjegjësia e saj që të mbrojë vendin nga çdo lloj goditje që mund t'i bëhet imazhit të Shqipërisë. "Nuk është ky momenti dhe as është detyra ime si Kryetar Kuvendi, të komentoj mbi këtë skenar nga këndvështrimi i shumicës qeverisëse, por mund të them se ultimatumet nuk janë demokratike, pushteti nuk merret në tavolinë dhe populli sovran nuk është një turmë sado e madhe qytetarësh që vijnë në një protestë, por tërësia e qytetarëve që na gjykojnë me votë e na mandatojnë po me votë", - deklaroi më tej Ruçi. Kryetari i Kuvendi shtoi se aktet u dhunës dhe situata e krijuar politike po dëmton së pari, interesat e vendit dhe në mënyrë të veçantë ka vendosur në pikëpyetje marrjen e statusit të vendit kandidat në muajin qershor.