Opozita djeg mandatet, Basha: Vendim i vështirë, s'kemi rrugë tjetër
Deputetët e opozitës dhe emrat pasues në listë firmosin dorëheqjet nga mandatet Dy deputetët që refuzuan të firmosin
Këshilli Kombëtar i Partisë Demokra tike votoi dje unanimisht për djegien e mandateve. Pas votës unanime që mori më herët në grup dhe kryesi, Këshilli Kombëtar i Partisë Demokratike zyrtarizoi mbrëmë vendimin për djegien e mandateve të deputetëve. Vendimi i Këshillit erdhi në një atmosferë të ndezur para selisë së PD, ku mbështetës të shumtë ishin mbledhur dhe me thirrjet e tyre kërkonin djegien e mandateve. Vendimin e komunikoi kreu i opozitës, Lulzim Basha, para dhjetëra simpatizantëve që kishin mbushur oborrin e selisë, i cili tha se ky ishte një vendim i vështirë, i paprecedentë, por e vetmja rrugë. Pas vendimit, secili deputet firmosur deklaratën e lënies së mandateve. "Kam nderin dhe privilegjin t'ju bëj të ditur vendimin unanim të Këshillit Kombëtar të PDSH, për djegien e mandateve parlamentare, me efekt të menjëhershëm", deklaroi z. Basha. Një vendim i vështirë e i paprecedentë sipas Bashës, nga ku nuk ka më kthim në betejën e nisur me qytetarët për të ardhmen europiane të vendit. "Ne e hedhim këtë hap, pasi kemi shteruar çdo mundësi për t'u kthyer legjitimitetin institucioneve të mbetura. Pas urdhrit të sovranit, i cili ushtoi në protestën më të madhe, në atë të së shtunës ne nuk kemi asnjë rrugë tjetër. Zgjedhim me përgjegjësi të plotë t'i bindemi sovranit. Ajo derë do të hapet vetëm kur vendi të ketë zgjedhje të lira dhe të ndershme. Ne do ta hapim atë derë kur ndarja e pushteteve të garantojë një qeveri të përgjegjshme", deklaroi kreu i PDsë. Pavarësisht se kryeparlamentari Ruçi paralajmëroi anulimin e seancës plenare, Lulzim Basha tha se nuk do të tërhiqet nga ajo që e cilësoi fillimin e një beteje, ku i ftoi qytetarët të bashkohen përpara parlamentit në protestën e thirrur sot në orën 10: 00. "Ne synojmë ta çojmë deri në fund betejën tonë për vlerat evropiane. Vendimi i marrë sot është vetëm fillimi i një beteje. E di se këtë betejë të madhe do ta fitojmë të gjithë së bashku për Shqipërinë, për Europën, për Amerikën, për të sotmen, për të nesërmen dhe të ardhmen e këtij vend", deklaroi kreu i PD- së. Z. Basha ftoi të gjithë qytetarët, përfshirë demo-