Meta, thirrje për reflektim: Djegia e mandateve, vendim ekstrem
Presidenti: Protesta të jetë paqësore, opozita të bëjë një hap prapa, dy mazhoranca "Nuk i shërben demokracisë dhe integrimit"
Presidenti Ilir Meta e quan zhvillim të padëshiruar përshkallëzimin e protestave apo të politikave ndarëse dhe bën thirrje për reflektim dhe qasje tjetër. Sipas tij, ky vendim ekstrem i opozitës vjen në një kohë që vendi pret një përgjigje për hapjen e negociatave. Në një intervistë dhënë për "Deutsche Welle", Meta vlerëson se çdo veprim ekstrem nuk i shërben demokracisë. Kreu i shtetit ndodhej në Berlin, ku pati dhe një takim me Presidentin e Gjermanisë, zotin Steinmeier. "Vlerësoj se çdo veprim ekstrem nuk i shërben demokracisë, nuk i shërben forcimit të institucioneve dhe nuk i shërben njëkohësisht as integrimit europian të vendit, që është dëshira e çdo qytetari shqiptar", theksoi kreu i shtetit. Lulzim Bashës dhe Monika Kryemadhit i kërkon të tërhiqen një hap, ndërsa Edi Ramës 2 hapa pas. Në një intervistë për "Deutsche Welle", Meta thotë se përgjegjësia kyçe është e shumicës qeverisëse, të cilën nën rreshta e akuzon për shkelje të Kushtetutës, kapje të institucioneve të pavarura dhe për korrupsion. "Është koha të kemi një hap prapa nga opozita, por mendoj që është koha të kemi edhe dy hapa pas nga mazhoranca, nga qeveria dhe nga kryeministri, të cilët duhet të kuptojnë që përgjegjësitë kryesore për qeverisjen e vendit janë të tyre. Të respektojnë institucionet e pavarura, të mos ndikojnë te krijimi i institucioneve të reja të drejtësisë. Të japin shembullin të parët për luftën kundër korrupsionit dhe për shumë çështje që kanë tronditur opinionin publik, pasi në fund fare asnjë justifikim nuk do të jetë i vlefshëm dhe i dobishëm për askënd, në rast se vendi do ta humbasë këtë mundësi", deklaroi z. Meta. Presidenti kërkon që protesta e sotme e opozitës të jetë paqësore, por dënon çdo lloj provokimi që nxit protestat. "Është e rëndësishme që çdo protestë të jetë paqësore dhe ata, të cilët i organizojnë të marrin të gjitha përgjegjësitë e tyre, ashtu sikurse është e turpshme që protestat të provokohen për çdo lloj arsye. Në Shqipëri ka pakënaqësi, ka zemërim dhe është koha jo për ta in-
DEKLARATA
"Vlerësoj se çdo veprim ekstrem nuk i shërben demokracisë, nuk i shërben forcimit të institucioneve dhe nuk i shërben njëkohësisht as integrimit europian të vendit, që është dëshira e çdo qytetari shqiptar", theksoi kreu i shtetit.