Djegia e mandateve, OSBE: Keqardhje që s'dëgjuat miqtë ndërkombëtarë

"Ata që nxisin dhunën do mbajnë përgjegjësi"

Pas

votimit unanim të Këshillit Kombëtar të PD- së për djegien e mandateve, OSBE e cilësoi këtë veprim si heqje dorë nga përgjegjësia, ndërsa bëjnë thirrje që të mos ketë skena dhune, duke theksuar se, "ata që mundësojnë dhe nxisin dhunën do të mbajnë përgjegjësi". "Vendimi i deputetëve të opozitës për t'u dorëhequr nga Kuvendi minon procesin demokratik ligjvënës dhe përbën një heqje dorë nga përgjegjësia e tyre për të përfaqësuar qytetarët që i kanë votuar. Reformat thelbësore dhe gjerësisht të mbështetura po vonohen. Prezenca e OSBE- së këshillon fuqishëm që të mos ndërmerret asnjë përpjekje për të tronditur themelet e demokracisë përmes dhunës, që të mos ndryshohet procesi demokratik përmes presionit jodemokratik. Ata që mundësojnë dhe nxisin dhunën do të mbajnë përgjegjësi. Na vjen keq që paralajmërimet e kaq shumë miqve dhe partnerëve afatgjatë të Shqipërisë nuk u dëgjuan", shkruhet në deklaratë. Ndërkohë, kjo nuk është thirrja e parë që vjen nga ndërkombëtarët për mosdjegien e mandateve nga opozita, pasi më herët ka qenë Ambasada e SHBA- ve, ajo që theksoi se një demokraci e shëndetshme kërkon një opozitë që funksionon në mënyrë konstruktive brenda institucioneve kushtetuese.

MAKOTO ITO

"Unë shpresoj që ata ta kalojnë këtë fazë dhe të vazhdojnë të kenë dialog me njëritjetrin. Përmes dialogut mund të arrihet gjithçka. Dialogu është shumë i rëndësishëm", deklaroi ambasadori i

Japonisë.