Lirimi me kusht i "Gjeneralit", Gjonaj pezullon nga detyra drejtorin e burgut të Drenovës
Vrasësi i të "fortit" të Tiranës, Naim Zyberi la qelinë më 14 shkurt Ministrja e Drejtësisë: Vendimi i dhënë në kundërshtim me ligjin, të hetohet gjyqtari
Pak ditë pas lirimit me kusht nga burgu të të dënuarit me burgim të përjetshëm, Gert Gjinarari, i njohur si "Gjenerali", ka reaguar ministrja e Drejtësisë, Eltida Gjonaj, e cila ka thënë se vendimi i dhënë është në kundërshtim me ligjin. Në një deklaratë për mediat, ministrja ka theksuar se në kuadër të masave të marra, drejtori i burgut të Drenovës dhe dy vartës së tij janë kallëzuar në prokurori për këtë rast dhe se deri në zbardhjen e ngjarjes, këta zyrtarë janë të pezulluar nga detyra. "Nga hetimi rezulton se vendimi, pavarësisht se nuk është i formës së prerë, është dhënë në kundërshtim me kriteret ligjore dhe kriteret e Kodit Penal. Për këtë arsye, Ministria e Drejtësisë i është drejtuar KLGJ- së dhe inspektoratit duke kërkuar procedim disiplinor për gjyqtarin që ka dhënë vendimin", është shprehur Gjonaj. Ndërsa, ka shprehur sigurinë se përgjigjja nga këto institucione do të jetë e shpejtë.
LIRIMI I "GJENERALIT"
45- vjeçari Gert Gjinarari përfitoi liri me kusht më 14 shkurt nga Gjykata e Shkallës së Parë në Korçë, por prokuroria e mbajti edhe 48 orë të tjera në qeli, për shkak të gabimeve të konstatuara në vendimin e gjykatës. Pas korrigjimit të gabimeve, gjatë një seance të posaçme në gjykatën në fjalë, organi i akuzës nxori urdhrin e ekzekutimit dhe pas kryerjes së procedurave administrative nga burgu i Drenovës, Gjinarari u la i lirë. Në vendimin e gjykatës së qytetit juglindor, trupa gjykuese ka arritur në përfundimin se Gert Gjinarari i plotëson të gjitha kushtet për lirim me kusht për pjesën tjetër të mbetur të dënimit, që nga sjellja shembullore, projektet e paraqitura për të ardhmen, fakti që është i gatshëm të riintegrohet, marrëdhëniet e mira me trashëgimtarët e viktimave e me radhë. Gjinarari përfitoi lirim me kusht me të njëjtën procedurë abuzive që shpëtoi nga dënimi përjetë edhe Dritan Dajti, autor i vrasjes së 4 policëve. Ai u arrestua në Itali me akuzën për vrasjen e Naim Zyberit më 6 gusht të vitit 1997, në një spital në Milano të Italisë, vrasje e kryer së bashku me mikun
Shoqeria permbarimore JUSTITIA:
e tij, Arben Grori. Ai u ekstradua në Shqipëri në vitin 2014, pas vendimit që gjykata italiane mori për dënimin e tij me burg përjetë. Por, 45vjeçari duke shfrytëzuar gjykatat shqiptare ka kërkuar të hetohet në gjend- jen që është dosja, duke përfituar uljen e dënimit në 25 vjet. Nuk kaluan më shumë se vetëm 5 vite nga ekstradimi, kur i akuzuari për vrasjen e bujshme kërkoi nga gjykata e Korçës lirimin me kusht.
PROCEDURA ABUZIVE
Gert Gjinarari ka përfituar lirim me kusht me të njëjtën procedurë abuzive që shpëtoi nga dënimi përjetë edhe Dritan Dajti, autor i vrasjes së katër policëve. Ai u dënua me burgim të përjetshëm në Itali, por me sjelljen e dosjes në Shqipëri kërkoi gjykim të shkurtuar, duke pranuar të gjitha aktet e akuzës, çka e çon dënimin përjetë në 25 vite burg. Një procedurë kjo e ndryshuar vitet e fundit, ku tashmë ndalohet gjykimi i shkurtuar për vepra të rënda penale, veçanërisht për vendime me burgim të përjetshëm.