SHBA e BE, thirrje opozitës: Jo djegies së mandateve, dënoni dhunën
Mogherini dhe Hahn: Po minoni progresin drejt BE
Shtetet e Bashkuara të Amerikës dhe Bashki mi Europian janë në të njëjtën linjë qëndrimi kur bëhet fjala për vendimin e opozitës për të djegur mandatet e deputetëve. SHBA dhe BE kanë dënuar dhunën dhe retorikën e ashpër politike, ndërsa janë shprehur kundër nismës për djegien e mandateve nga deputetët opozitar. Për SHBA ka reaguar DASH nëpërmjet Zv/ Ndihmës Sekretari i Shtetit për Evropën Matthew Palmer, i cili i ka përcjellë qëndrimin amerikan personalisht kreut të PD- së, Lulzim Basha dhe kryetares së LSIsë, Monika Kryemadhi në dy telefonata të ndryshme që ka pasur me ta mbrëmjen e mërkurës. Ndërkohë që për BE ka reaguar shefja e Politikës së Jashtme të Bashkimit Evropian Federica Mogherini dhe komisioneri Johannes Hahn nëpërmjet një deklarate të përbashkët.
DASH
VOA raportoi dje se Zv/ Ndihmës Sekretari i Shtetit për Evropën Matthew Palmer në bisedat telefonike që ka zhvilluar me Bashën dhe Kryemadhin i ka bërë thirrje atyre që të mos i dorëzojnë në masë mandatet dhe të dënojë publikisht dhunën e ushtruar gjatë protestave. Sipas zëdhënësit të Departamentit të Shtetit, zoti Palmer u bëri thirrje të dy udhëheqësve të opozitës të qëndrojnë të angazhuar në mënyrë konstruktive në proceset demokratike, duke theksuar rolin jetik, që partitë e opozitës duhet të luajnë në një shoqëri demokratike. Diplomati i lartë amerikan, siç u shpreh zëdhënësi për ' Zërin e Amerikës', "i këshilloi" dy kryetarët e partive "kundër dorëheqjeve të koordinuara dhe në masë të deputetëve të opozitës nga parlamenti, pasi kjo do të dëmtonte përpjekjet për reforma dhe do të dëmtonte një institucion të rëndësishëm të demokracisë". Gjithashtu, raportohet se Palmer, ndërsa theksoi mbështetjen e Shteteve të Bashkuara për të drejtën e qytetarëve për të protestuar në paqe, u bëri thirrje, si
Bashës, edhe Kryemadhit të hedhin poshtë dhe të dënojnë publikisht gjithë dhunën.
BE
Ndërkohë që pas deklaratave të veçanta të eksponentëve kryesorë europianë, dje edhe Bashkimi Europian ka dalë me një deklaratë zyrtare ku ka shprehur mbështetjen për protestat, por duke dënuar deklaratë që nxit aktet e
dhunës në protesta. "Ne riafirmojmë të drejtën e qytetarëve për t'u angazhuar në demonstrata paqësore si një tipar thelbësor dhe një vlerë thelbësore e demokracisë, por ne fuqimisht denoncojmë çdo retorikë nga udhëheqësit politikë që bëjnë thirrje për dhunë", - thuhet në deklaratën e përbashkët të Mogherinit dhe Hahn. Më tej dy përfaqësuesit e lartë
DASH
Diplomati i lartë amerikan, siç u shpreh zëdhënësi për ' Zërin e Amerikës', "i këshilloi" dy kryetarët e partive "kundër dorëheqjeve të koordinuara dhe në masë të deputetëve të opozitës nga parlamenti, pasi kjo do të dëmtonte përpjekjet për reforma dhe do të dëmtonte një institucion të rëndësishëm të demokracisë".
të BE- së theksojnë se edhe vendimi për dorëzimin e mandateve dëmton demokracinë dhe procesin integrues të Shqipërisë. "Vendimi i opozitës për heqjen dorë nga mandatet e tyre pengon seriozisht funksionimin e demokracisë në Shqipëri. Parlamenti është vendi ku reformat dhe zhvillimet përkatëse duhet të diskutohen dhe të zhvillohen, e jo të bojkoto-
hen. Këto vendime dhe akte janë kundërproduktive, shkojnë kundër zgjedhjes demokratike të shtetasve shqiptarë dhe minojnë progresin që vendi ka bërë në rrugën e Bashkimit Evropian", - thuhet në këtë deklaratë. Më tej Mogherini dhe Hahn shprehen se Bashkimi Evropian pret që të gjithë anëtarët e Parlamentit shqiptar të mbrojnë idealet dhe parimet e
demokracisë, të vazhdojnë të shërbejnë në Kuvend dhe të marrin të gjitha masat e nevojshme për të shmangur aktet e dhunshme dhe deklaratat nxitëse. "Ne po ashtu presim që qeveria dhe opozita të angazhohen në diskutime konstruktive me qëllim tejkalimin e situatës aktuale politike në të mirë të Shqipërisë dhe qytetarëve të saj", - mbyllet deklarata e BE.